Ish kryeministri Sali Berisha ka pritur në një takim ambasadorin e Austrisë në Tiranë, Christan Steiner.

Sipas asaj që publikon vetë Berisha, në takim është folur mbi zhvillimet e aktualitetit në Shqipëri dhe mbi proceset e integrimit në BE dhe hapjes së negociatave.

"Takim me ambasadorin e Austrisë në vendin tonë, zotin Christian Steiner

Miq, pata kënaqësinë të pres në takim me kërkesën e tij, Ambasadorin e Austrisë zotin Christian Steiner. Në këtë takim shfrytëzova rastin ta falenderoj me mirënjohje të veçantë vendin e tij mik për ndihmen e madhe dhe tejet të çmuar në të gjitha fushat që i ka dhënë Shqipërisë në tre dekadat e fundit.

Në takim diskutuam gjerësisht mbi zhvillimet aktuale në Shqipëri ne raport me proceset e hapjes së negociatave me BE. Biseda ishte e hapur", shkruan Berisha në postimin e tij në Facebook.