Gazetari Bledian Koka reagon pas daljes për mediat të para pak minutave të grupit parlamentar të drejtuar nga Myslim Murrizi dhe Nimet Musai të cilët kanë bërë këtë të premte një propozim të beftë, ku pos listave të hapura kërkojnë edhe përjashtimin e koalicioneve parazgjedhore.

Sipas gazetarit Koka, prapa këtij qëndrimi të "opozitës" paralamentare fshihen urdhërat e Taulant Ballës i cili dihet se kontrollon çdo dalje të Myslim Murrizit e Nimet Musait në media.

Në reagimin e tij publik Koka le të kuptohet se kërkesa e beftë e Murrizit dhe Musait nuk është asgjë tjetër veçse qëndrimi dhe frika e kryeministrit që po mundohet me çdo kusht në mos ta përçajë, të parandalojë që fronti opozitar të mos shkojë i bashkuar në zgjedhjet e ardhëshme parlamentare. 

Sipas Kokës, "opozita" parlamentare që udhëhiqet nga Taulant Balla nxorri kokën me fytyrën e Edi Rama për të kërkuar lista të hapura por edhe një sistem që përjashton koalicionet parazgjedhore.

Postimi i plotë i gazetarit:

Keq punet Rilindja dmth!

"Opozita" parlamentare nen udheheqjen legjendare te Taulant Balles doli dhe nxorri koken e breshkes me fytyren e Edi Rames qe kerkon lista te hapura (ok deri ketu) pooor, nje sistem qe perjashton koalicionet parazgjedhore. Qe ketu mund te perceptohet qarte se Edi Rama eshte terrorizuar nga humbja e pashmangshme qe pret nese koalicioni opozitar shkon i tille deri ne zgjedhje. Kjo u duk si drita sot sidomos ne artikulimin legjendar te ligjvenesit Nimet Musai...
p.s...lista te hapura po, ama kushdo qe lufton koalicionet parazgjedhore eshte me Edi Ramen