Homazhe para Indrit Carës/ Basha: Kosova e lirë, ëndrra me të cilën isha rritur që fëmijë

Homazhe para Indrit Carës/ Basha: Kosova e lirë, ëndrra me të cilën isha rritur që fëmijë

16:55, 12/06/2020
A+ Aa A-

Kryetari i Partisë Demokratike Lulzim Basha ka gjetur një mënyrë shunmë origjinale dhe domethënëse për të përkujtuar 21 vjetorin e Çlirimit të Kosovës.

Kreu i opozitës ka qenë në Kavajë ku ka kryer homazhe para bustit të Dëshmorit të Atdheut Indrit Cara, i rënë në luftën e Kosovës.

Ai kujton edhe emocionet personale të kësaj dite teksa shprehet: "Nuk përjetoja vetëm emocionin tim, por jetoja ëndrrën e gjyshërve të mi, ëndrrën me të cilën isha rritur që fëmijë e që po e shihja të bëhej realitet, Kosova e lirë".

 

Basha nuk kursen as mirënjohjen ndaj atyre që bënë të mundur këtë datë: UÇK-në, komandantin e saj legjendar Adem Jashari, presidentin Rugova, SHBA, vendet mike të BE dhe NATO-n.

"Sot vendosa lule pranë bustit të Indrit Carës, heroit nga Kavaja që luftoi dhe dha jetën për lirinë e Kosovës. Ai, dëshmorët dhe luftëtarët e tjerë nga Shqipëria dhe gjithë viset shqiptare do të mbeten përjetë frymëzimi i një kombi thellësisht mirënjohës, standarti i artë i atdhedashurisë dhe idealizmit të pastër për liri e për Atdhe!", shkruan ndër të tjera Basha në postimin e tij.

Postimi i plotë i Bashës:

12 Qershorin e  vitit 1999 do ta kujtoj përherë si një ndër ditët më të gjata dhe të veçanta të jetës time. Me emocione që vështirë të përshkruhen, hyra në Kosovë pak pas zbarkimit të Gurkave - kontigjentit të parë britanik.

Nuk përjetoja vetëm emocionin tim, por jetoja ëndrrën e gjyshërve të mi, ëndrrën me të cilën isha rritur që fëmijë e që po e shihja të bëhej realitet, Kosova e lirë.

Në 12 qershorin e 1999 lindi drita e shpresës e lirisë dhe dinjitetit për shqiptarët  e Kosovës. Për çdo ditë e brez pas brezi, kujtojmë me mirënjohje  miqtë dhe aleatët e mëdhenj që mundësuan e ndihmuan ëndrrën tonë për një Kosovë të lirë. Mirënjohje të thellë SHBA, vendeve mike Europiane, NATO-s e të gjithë atyre që i dhanë jetë ëndrrës për liri të popullit të Kosovës.

Mirënjohje përjetë Presidentit Ibrahim Rugova, Komandantit Legjendar të Ushtrisë Çlirimtare të Kosovës Adem Jashari dhe bijave e bijve të Kosovës e mbarë kombit që luftuan dhe ranë në altarin e lirisë. 

Sot vendosa lule pranë bustit të Indrit Carës, heroit nga Kavaja që luftoi dhe dha jetën për lirinë e Kosovës. Ai, dëshmorët dhe luftëtarët e tjerë nga Shqipëria dhe gjithë viset shqiptare do të mbeten përjetë frymëzimi i një kombi thellësisht mirënjohës, standarti i artë i atdhedashurisë dhe idealizmit të pastër për liri e për Atdhe!

Image

© SYRI.net

Lexo edhe:

Tags

Komentet

Vlora12/06/2020 17:36

I perjetshem kujtimi i tyre!

Shqiptari12/06/2020 17:17

U VRANE DJEMTE DHE BURRAT E KOSOVES MARTIRE! U VRANE HERONJTE E ATDHEUT QE SOT TE PASUROHEN DHE TALLIN BYTHEN ME GJAKUN E TYRE THACI, HARADINAJ, MUSTAFA, LIMAJ DHE PLOT MASKARENJ E TE POSHTER TE TJERE!!! DJE KOSOVARET LUFTUAN KUNDER GJAKATAREVE SERBE DHE DHANE JETEN PER KOSOVEN E LIRE, SOT KOSOVARET PO LUFTOJNE QE TE CLIROHEN DHE TE SHPETOJNE NGA HAJNAT, TE KORRUPTUARIT DHE KRIMINELET NE PUSHTET!!! LUFTA PER KOSOVEN E LIRE DHE DEMOKRATIKE NUK KA PERFUNDUAR AKOMA!!! SOT KOSOVARET PO LUFTOJNE KUNDER HAJNAVE DHE MASHTRUESVE TE POLITIKES!!!

Shto koment

Denonco