Drejtuesi i Departamentit të Mjedisit në PD, Jamarbër Malltezi ka ngritur dhjetë pyetje publikisht për SPAK në lidhje me skandalin e vjedhjes së tokës së një gjimnazi nga botuesi dhe gazetari Carlo Bolino.

POSTIMI I MALLTEZIT

10 pyetje SPAK nëse është gjallë lidhur me vjedhjen e tokës së gjimnazit për interes të Carlo Bolinos:

1. Pse u zhduk shkolla e mesme nga Plani Urbanistik i Bashkisë në 2017 kur ekzistonte në çdo plan urban, përfshi edhe në Planin e Përgjithshëm Rregullues të miratuar në 2013.

2. Pse u dha kjo pronë me vendim qeverie dhe jo me vendim të Këshillit Bashkiak?

3. Pse nuk u lidh kontrata me bashkinë, por u dashka lidhur me qeverinë kur prona e ish-repartit të orave ishte në administrim të bashkisë?

4. Pse mos paguajë Carlo mijëra euro sipas ligjit të qiradhënieve qe ka në fuqi bashkia?

5. Si ka menduar Bashkia e Tiranës të zgjidhe çështjen e një shkolle të mesme për 50,000 banorët nga sheshi Ataturk tek Pallati me Shigjeta dhe gjithë ish-Fusha e Aviacionit?

6. Pse mos nxirrej toka në ankand nëse shteti nuk e donte për shkollë?

7. Pse mos paguajë të paktën çmimin e referencës lëpirësi Carlo për tokën mes Tiranës?

8. Pse nxori VKM për të prishë objektet dhe çuditi gjithë boten?

9. Pse mos aplikonte për leje prishje objektesh dhe të paguante taksën Carlo?

10. Pse u shkel ligji për Kthim-Kompensimin e Pronës që ndalon dhënien e tokave të tretëve derisa të përfundojë procesi i kthim-kompensimit? Çfarë interesi i madh strategjik për vendin kishte këtu që duhej shkelur ligji?