Kreu i Inspektoratit Ndërtimor Tiranë, Mariglen Qato është kallëzuar penalisht në Prokurorinë e Tiranës nga disa familje në zonën e Kombinatit që deklarojnë publikisht se po u merret prona në rrugë antiligjore në emër të një investimi publik që bashkia ka nisur të kryejë në këtë zonë.
Në një intervistë për News 24, Ergys Cullhaj përfaqësues i një prej familjeve të prekura thotë se ka 5 muaj që Inspektoriati Ndërtimor Vendor më në krye Mariglen Qaton po u bën presion të hapur familjeve për të liruar hapësirën private të ligjëruar me certifikatë pronësie duke i ndëshkuar me gjobë në vlerën 5 milion lekë.
“Këta nuk kanë sjellë as vendim shpronësimi. Na kanë ardhur 3 inspektorë. Na kanë vënë 5 milionë gjobë për kundërshtim. Se di pse e kanë vënë ‘ndërtim pa leje’. Jemi pronarë të ligjshëm me dokumentacione dhe certifikatë pronësie.”, -theksoi Qato.
Sipas banorëve IMT e bashkisë Tiranë po vepron në shkelje flagrante të ligjit për shpronësimet në funksion të investimeve publike duke mbajtur të fshehtë projektin e detajuar të rrugës së re, piketat se deri ku do të shtrihet gjurma e rrugës, dhe më kryesorja mungesën e vendimit të shpronësimit për ta ankimuar ose jo në gjykatë.
“Nuk bllokojmë ne projektet e Bashkisë së Tiranës, por duam një vendim shpronësimi. Nuk kanë vendosur as piketa. Asgjë. Këtu nuk ka ardhur asnjë inxhinier. Nuk kanë ardhur asnjë, dhe nuk kemi parë asnjë projekt”, -tha ai.
Cullhaj thotë se gjoba i ka frikësuar banorët e tjerë që nga frika kanë lejuar fadromat të hyjnë në pronën e tyre pavarësisht se nuk ka një vendim shpronësimi. “Këtu ka shumë veta, por nuk dalin nga frika se kanë hallin e punës. Dhe kanë frikën e gjobës.”, -pohoi banori.
Në kushte të tilla familja Cullhaji thotë se do t’i drejtohet gjykatës. “Ne do bëjmë një padi në Gjykatën e Tiranës, do presim vendimin”, -përfundoi ai.
© SYRI.net
vetem ne shqiperi nuk egziston faktori prone private.Nese administrata lokale qe paguhet me taksat e secilit dhe supozohet qe i sherben publikut kerkon te zhvilloje nje projekt qe cenon nje prone private te caktuar : te pakten te argumentoje interesin e madh publik qe perfitohet para miratimit te nje projekti pa lere pastaj te marresh veprime qe te nderhysh pa konsensusin e secilit qytetar ne pronen e tij.kjo nuk ndodh as ne kinen socialiste dhe askund.shteti i te drejtes supozohet kur mbron te drejtat e secilit individ dhe sidomos me te dobetit ne shoqeri.kjo qe ndodh esht diktature e pashembullt ne shqiperi.
Tani qe rilindja prishi teatrin pa pyetur ligj e kushtetute,mos te habitet kush kur fadroma e rilindjes nje dite te bukur te vije papandehur e ti prishe pronen sepse ka nevoje rilindja per hapesira ndertimi