Oerd Bylykbashi, përfaqësuesi i PD-së në Këshillin Politik, vërejti sot, pas dakortësisë që gjetën me mazhorancën në tryezë për tri çështje, se duhet të jetë e qartë se ato nuk janë problematikat kryesore të zgjedhjeve në Shqipëri; fjala ishte për periudhën zgjedhore, financimin e partive dhe kuotat gjinore.
Bykylbashi theksoi në përfundim të raportimit të tij mbi këtë takim se “të jemi të qartë se problematikat kryesore nuk janë këto, por mbrojtja e zgjedhësit shqiptar, që ta hedhë votën lirisht dhe në sekret.
Është problem i rëndë përderisa ODIHR ka thënë se sekreti i votës në vendin tonë cenohet, ndaj në ditët në vijim ne do të kemi masat që rregullojnë rolin e organeve ligjzbatuese, të Policisë, të SPAK-ut në veçanti, masat që do të merren për mbrojtjen e votës, teknologjisë në votim, që kutia të mos mbushet, të mos ketë votim në emër të emigrantëve pa ardhur kurrë në Shqipëri. Pra, këto janë problemi real, që vota të jetë e vërtetë dhe të numërohet pa manipulim.”
© SYRI.net