Jehona e shembjes së Teatrit Kombëtar të Shqipërisë ka shkuar deri në Austri. Një grup qytetarësh me ndjeshmëri për rastin, me parulla të shkruara me duart e tyre, kanë dalë në shenjë proteste në mbështetje të artistëve dhe qytetarëve shqiptarë që refuzojnë ta pranojnë nëpërkëmbëjn e historisë së tyre, trashëgimisë kulturore.
Aleanca për Mbrojtjen e Teatrit ka publikuar fotografitë e ardhura nga Austria me këtë shënim:
“Mesazh mbështetës për rindërtimin e Teatrit Kombëtar dhe vazhdimin e betejës për demokracinë e munguar, nga qytetarë evropianë me origjinë shqiptare, që jetojnë në Austri".
“Është vetëm fillimi!”- shprehen ata. - “Qëllimi ynë i përbashkët nga sot është: rindërtimi i Teatrit Kombëtar aty ku ishte, ashtu siç ishte. Ky është një hap i parë për rivendosjen e demokracisë në Shqipëri”.
“Unë jam Teatri”- thuhet në një pankartë të tyre. Më tej: “Shqipëria ka nevojë për sundim të vërtetë të ligjit” – “Teatri është Art dhe Liri” - “Rama është Injorancë dhe Represion”.
© SYRI.net