Gjatë konferencës së tij për mediat, presidenti Ilir Meta është pyetur në lidhje me mesazhin e ambasadores së SHBA-së Yuri Kim, për pengesën e Reformës në Drejtësi.

Pyetje: A jeni ju personi që po negocioni në kurriz të Reformës në Drejtesi se kemi pasur shqetësim nga zonja Kim?

Meta: Kur kam parasysh Këshillin Politik – jo thjesht të reformës Zgjedhore, emer është Këshill Politik, por me atë emër po në nivel më të lartë -kuptohet që gjithë ato çështje nga BE kërkojnë përfshirjen e opozitës reale. Duhet gjetur një mekanizëm të opozitës reale sepse kemi problem me legjitimitetin tonë.

Që nga parlamenti, Gjykata Kushtetues kërkohet vendosja e legjitimit të gjithë këtyre institucioneve. Unë kam 4 vjet që u them stop lojërave me reformën në drejtësi dhe ambasadorja ka të drejtë se kanë kaluar katër vjet dhe nuk po shohim një produkt konkret të zbatimit të kësaj reforme.

Shiko renditjen e Shqipërisë, shiko kushtet e Shqipërisë nga BE që në 2016 dhe shikoni sa kush janë tani dhe pse janë këto kushte, kështu që qëndrimi është i drejtë sepse aktorët politikë kanë luajtur me këto çështje. Presidenti nuk është aktor politik por në krye të detyrës dhe detyrimeve të tij edhe për reformën në drejtësi dhe nuk ka surprizuar me qëndrimet e atij as partnerët vendas dhe as ndërkombëtare sepse gjithçka ka qenë e dokumentuar.

Unë kam kërkuar bashkëpunim e të gjithë dhe ju e dini sa lojëra janë bërë. Tani jemi në këtë situatë, ballafaqohen të gjithë aktorët dhe ju e shihni se kush po bën lojëra dhe unë nuk po negocioj asgjë përveç këtyre 14 pikave. këto i dinë të gjithë ambasadorët e BE e di dhe ambasadorja amerikane, që në 8 prill.