Ambasadorja amerikane Yuri Kim, në një postim në twitter mesditën e sotme foli për një marrëveshje të fshehtë prapa krahëve për të vrarë reformën në drejtësi, duke shpresuar që këto fjalë të mos ishin të vërteta.

Në përgjigje të këtij postimi ka reaguar edhe vetë kryetari i Partisë Demokratike, Lulzim Basha, I cili në të njëjtin postim të ambasadores amerikane shkruan:

‘Çdo ndryshim kushtetues dhe ligjor në lidhje me reformën në drejtësi nga ky parlament është ilegjitim.

Ndryshime të tilla u shërbejnë vetëm atyre që e përdorin pushtetin për të devijusr dhe për të minuar reformën, për të kontrolluar politikisht dhe për të kapur sistemin e drejtësisë.’