Që kur nisën masat e rrepta të kufizimit, fotot nga tregu i Kombinatit në Tiranë kanë bërë xhiron e rrjetit. Turma njerëzish vërshonin në treg sa herë vinin fashat orare të lëvizjeve.

Edhe pse këto pamje u bënë thuajse të zakonshme, askush nuk lëvizi gishtin.

Por kur kryeministri Edi Rama tha se ishte lemerisur nga pamjet e Kombinatit, nga sot aty ka zbarkuar ushtria dhe policia. Askush nuk futet në treg pa hyrë përmes tunelit të dezinfektimit dhe pa maska. Aty brenda në treg duhet ruajtur distanca, siç tregojnë fotot.

Për tri javë nuk bënë asgjë, tani janë lëshuar të gjithë aty, sikur koronavirusi të punojë me ditë të caktuara dhe me orar, ashtu si qeveria dhe bashkia.