Shifrat pesimiste/ Shqipëria me vdekshmëri të lartë prej koronavirusit

Shifrat pesimiste/ Shqipëria me vdekshmëri të lartë prej koronavirusit

08:54, 05/04/2020
A+ Aa A-

Fundjava e tretë e izolimit total ka shënuar edhe viktimën e 20 nga koronavirusi në Shqipëri, duke e çuar në 24 orët e fundit, numrin e rasteve të reja në 29 nga mbi 330 të raportuar zyrtarisht.

Në Spitalin Infektiv në Qendrën Spitalore Universitare “Nënë Tereza” dhe spitalin "Shefqet Ndroqi” në Tiranë, janë shtruar 67 të prekur.

Sipas të dhënave të Deutche Welle, bilanci i deritanishëm është shqetësues në raport me popullsinë prej 2,8 milionë të Shqipërisë: nga 2247 të testuar janë 333 të prekur me moshë mesatare 59 vjeç, mes të cilëve 9 fëmijë, në moshë mesatare 8 vjeç.

Shqipëria mban një rekord negativ në Ballkan me numrin më të lartë të vdekjeve për 1 milion banorë, apo për çdo 100 të infektuar. Ne kemi gjithashtu numrin më të ulët të pacientëve që e kanë kaluar pa probleme sëmundjen nga 100 të prekur me COVID-19. Vetëm 63% prej tyre rezultojnë të tillë, ndërkohë që në të gjithë rajonin ky numër është ndjeshëm më i lartë.

Por kryeministri Edi Rama ka gjetur.nje tjetër statistikë për të qenë optimist. Jo numrin e të vdekurve, por atë të shëruarve për 1 milion banorë.

 

Sipas grafikut të postuar në facebook nga kryeministri, Shqipëria renditet e dyta, pas Sllovenisë, për numrin më të lartë të të shëruarve për 1 milion banorë.

“Bilanci i luftës bëhet në fund po s’do lejojmë askënd të sabotojë çfarë kemi arritur deri këtu!“, shkruajti Rama. Por pavarësisht nga grafikët optimistë shefi i qeverisë e quajti të premten, këtë fazë ky po hyn pandemia e virusit vdekjeprurës ” zona e zjarrit”. “Kemi hyrë në zonën e zjarrit, ku armiku po synon të na marrë më shumë jetë, pasi rezistenca jonë deri tani e ka ndaluar të bëjë kërdinë duke na shkatërruar barrikadën bluzave të bardha”, theksoi ai në rrjetet sociale dhe bëri thirrje për rezistencë, mbrojtjen e jetës dhe zbatim me rigorozitet të masave kufizuese./Lapsi.al

 

© SYRI.net

Lexo edhe:

Komentet

Shto koment

Denonco