Edi Rama tha sot se klubet e futbollit nuk do të përfshihen në paketën ekonomike për të përballur këtë krizë.
Sipas tij, kjo vjen pasi klubet kryejnë evazion fiskal dhe mashtrojnë me deklarimet e tyre.
‘Më vjen keq, por së pari paketa nuk do rishikohet, por do të zgjerohet. Është një paketë që bazën ka ata më në nevojë dhe do zgjerohet.
Klubet e futbollit nuk kanë se çfarë i kërkojnë qeverisë dhe arkës së shtetit. Klubet e futbollit deklarojnë paga të rreme sikur janë kompani fasone’, tha sot Edi Rama duke iu përgjigjur kreut të FSHF-së Armand Duka.
E në këtë deklarim i Edi Ramës përfshihet edhe klubi i futbollit Partizani, që është pikërisht nën administrimin e vëllait të tij, Olsi Rama.
Olsi është drejtor i Përgjithshëm i Partizanit, që sipas Ramës, kryen evazion fiskal dhe fsheh të ardhura.
Pas këtij deklarimi të Edi Ramës, a duhet që prokuroria të nisë hetimet ndaj Olsi Ramës për mashtrim ndaj autoriteteve tatimore.
A duhet që edhe klubi i Partizanit ku drejtor është Olsi Rama, të vihet nën hetim për mashtrim dhe fshehje të ardhurash.
Nëse do të kishte një prokurori të pavarur në Shqipëri, sigurisht që po.
© SYRI.net