'Shifrat nuk janë realiste, çdo parashikim do dështonte në Shqipëri'

'Shifrat nuk janë realiste, çdo parashikim do dështonte në Shqipëri'

09:39, 31/03/2020
A+ Aa A-

Taulant Muka, mjek epidemiolog, në një lidhje me “Skype” nga Zvicra në A2, u shpreh se në Shqipëri është mjaft e vështirë të bësh vlerësime mbi situatën nga koronavirusi, pasi sipas tij, numri i testimeve është shumë i ulët.

“Është e vërtetë që karantina duhet të kishte dhënë efekt dy apo 3 javë më pas. Është e vështirë të bësh vlerësimin për Shqipërinë, pasi numri i testeve është shumë i ulët. Çdo model matematikor do të dështonte në Shqipëri me këto shifra, pasi shifrat nuk janë realiste”, u shpreh Muka.

Më tej, ai thekson se koronavirusi në Shqipëri mund të jetë përhapur më herë se marrja e masave, rreth fundit të shkurtit dhe këtë ai e bazon te koha kur kanë ndërruar jetë këta personat e parë.

“Nga ana statistikore, një person nga momenti që infektohet deri kur ndërron jetë është diku te 31 ditë dhe duke u bazuar në datat kur kanë vdekur këta persona, i bie që ata janë infektuar nga fundi i shkurtit. Numrat para karantinës mund të kenë qenë më shumë se 1 mijë dhe është shumë e vështirë të bësh projeksion”, thotë Muka, i cili shton se ky nuk është vetëm një problem i Shqipërisë, por edhe i disa shteteve të mëdha.

Ndërkohë, lejen 1 orë për të bërë pazar, ai e quan absurde. “Leja-dalja për një orë në ditë më duken absurde. Vetëm Izraeli e bën një gjë të tillë, por ne nuk jemi në kushtet e izraelit. Është jo normale dhe jo etike. Aplikacionet janë për gjurmimin e rasteve dhe izolimin e tyre”

© SYRI.net

Lexo edhe:

Komentet

Shto koment

Denonco