Grenell dhe Palmer: Nuk ka plan për ndarjen, hiqini tarifat

Grenell dhe Palmer: Nuk ka plan për ndarjen, hiqini tarifat

22:17, 26/03/2020

Departamenti i Shteteve të Bashkuara të Amerikës, përmes një shkrese zyrtare deklarojnë se do të punojnë me çdo qeveri në Kosovë. 

Shtetet e Bashkuara theksuan të enjtën se nuk ka asnjë plan të fshehtë për shkëmbim territoresh ndërmjet Kosovës dhe Serbisë dhe se bisedimet ndërmjet të dyja vendeve duhet të çojnë në njohje të ndërsjellë.

Këto komente u bënë në një deklaratë të përbashkët të ambasadorit Richard Grenell i dërguar i posaçëm i presidentit Donald Trump për bisedimet e paqes Kosovës – Serbi, ambasadori amerikanë në Kosovë, Philip Kosnett dhe përfaqësuesit të posaçëm për Ballkanin Perëndimor, Matthew Palmer.

Deklarata e plotë:

Shtetet e Bashkuara janë me qytetarët e Kosovës. Ne i vlerësojmë përpjekjet e vazhdueshme të profesionistëve të shëndetësisë dhe të tjerëve që janë duke punuar shumë, me rrezik të madh, për të zvogëluar përhapjen e COVID-19 në Kosovë. Në këtë kohë të pasigurisë, ne i nxisim krerët e Kosovës që të ndjekin Kushtetutën e Kosovës dhe sundimin e ligjit. Ne jemi të angazhuar që të punojmë me çdo qeveri të formuar përmes procesit kushtetues.

Për më tepër, ne vazhdojmë t’i nxisim liderët e Kosovës që të heqin plotësisht tarifat. Ne besojmë se tarifat po dëmtojnë popullin e Kosovës duke penguar bashkëpunimin rajonal kundër COVID-19 – përfshirë edhe duke vonuar hyrjen në Kosovë të furnizimeve të nevojshme,  dhe duke penguar rritjen ekonomike.

Ne duam të sqarojmë se nuk ka asnjë plan të fshehtë për shkëmbime të territoreve ndërmjet Kosovës dhe Serbisë, siç kanë spekuluar disa. I dërguari i posaçëm presidencial Richard Grenell nuk e ka parë dhe as diskutuar kurrë një plan të tillë. Përqendrimi i qeverisë amerikane në mbështetjen e marrëveshjeve të fundit për të rivendosur lidhjet ajrore, hekurudhore dhe autostradë midis Kosovës dhe Serbisë synon të përmirësojë ekonominë dhe të krijojë një vrull ekonomik. Ne besojmë se ky vrull do t’i japë energji të re një procesi dialogu që do të çonte në njohje të ndërsjellë.

© SYRI.net

Lexo edhe:

Komentet

Silva26/03/2020 22:36

Qenkan me popullin kosovar dhe nderkohe nxiten rrezimin e qeverise qe deshi populli kosovar. Cfare hipokrizie e rendomte! Shpresoj qe populli kosovar te tregoje edhe nje here mencuri me zgjedhjet e reja dhe t'i jape edhe me shume vota Vv.

Shqiptari26/03/2020 22:34

TI O PALMER PLEHRA, JE NGA FSHATI I GRUAS DHE AJO TE TREDH NATE PER NATE! PSE TE DHEMB KAQ SHUME TAKSA NDAJ SERBISE DHE NUK TE DHEMB PER QINDRA MIJERA VIKTIMA KOSOVARE NGA TERRORISTET SERBE, KU NJE NGA FRYMEZUESIT E TERRORIZMIT DHE MASAKRAVE SERBE NDAJ SHQIPTAREVE ESHTE SOT PRESIDENTI I SERBISE??? PSE JU DHEMB KAQ SHUME TAKSA NDAJ MALLRAVE SERBE DHE NUK TE SHQETESON FAKTI QE SERBIA NUK PO E NJEH VENDIN E CLIRUAR NGA VETE SHBA? PSE JU DHEMB KAQ SHUME TAKSA NDAJ MALLRAVE SERBE DHE NUK TE SHQETESON FAKTI QE NUK KA ASNJE INVESTIM TE SHBA NE KOSOVE?

Shto koment

Denonco