Bashkia e Tiranës njoftoi të mërkurën pezullimin e shërbimit të transportit publik. Qytetarët u informuan se duke filluar nga sot linjat do të ndërpriten për një afat të pacaktuar, me qëllim parandalimin e përhapjes së koronavirusit.
Mirëpo, pamjet e kapura në orën 7:00 në Kamëz dhe në hyrje të Tiranës tregojnë të kundërtën. Pavarësisht firmosjes së vendimit për ndërprerjen e transportit publik, konstatohet se disa linja urbane në kryeqytet vijojnë punën normalisht, duke mos e respektuar urdhrin për të shmangur përhapjen e COVID-19.
Kurse kryeministri Edi Rama njoftoi se ndalimi nis nga mesdita.
"NGA SOT NË MESDITË NUK KA TRANSPORT URBAN NË TIRANË dhe DURRËS. PO BËJMË GATI TRANSPORTIN E DEDIKUAR PËR MJEKËT dhe INFERMIERËT", shkruan ai.
© SYRI.net