Tirana shpartalloi 5-1 Partizanin në derbin e kryeqytetit e vlefshme për javën e 24 në Kategorinë Superiore.

Bardheblutë dominuan sfidën e zhvilluar në një atmosferë elektrizuese në “Air Albania” ku në total u shënuan 6 gola, dy penallti dhe u akorduan 2 kartona të kuq.

Në familjen e kryeministrit Rama sot fitues ka dalë djali i tij, Greg Rama tifoz i Tiranës e cila mposhti Partizanin e Olsi Ramës, i cili është drejtor sportiv tek të kuqtë.

Prej ditësh aludohej se Greg Rama ishte tifoz i Tiranës por sot ai e pranoi dhe vetë duke hedhur foto me shallin bardheblu nga ndeshja në ”Air Albania Stadium”.

“E pra, e vërteta doli në shesh”- shkruan Greg Rama i buzëqeshur.