Nuk kishte si të mungonte në një derbi si ai mes Tiranës dhe Partizanit thirrja e qytetarëve për t'iu bashkuar tubimit të thirrur nga presidenti i Republikës Ilir Meta më 2 Mars.

Siç shihet në fotot e mëposhtme, një grup tifozësh, në prah të derbit të kryeqytetit, kanë shpalosur para stadiumit "Air Albania" pankartën ku ftohen të gjithë qytetarët të bashkohen ditën e hënë, ora 17:00, në bulevardin "Dëshmorët e Kombit".

"Për Shqipërinë, për Kushtetutën", lexohet në pankartë.

Ditën e hënë, presidenti ka thirrur një tubim mbarëqytetar kundër asaj që ai e quan grusht shteti...Thirrjes së tij, përveç opozitës, i janë përgjigjur edhe shumë qytetarë brenda dhe jashtë vendit. /A.R, Syri.net