Në Europën me 731 milion banorë, Shqipëria mes 3 vendeve më të varfra: Lë mbrapa vetëm Moldavinë dhe Ukrainën

Në Europën me 731 milion banorë, Shqipëria mes 3 vendeve më të varfra: Lë mbrapa vetëm Moldavinë dhe Ukrainën

12:44, 27/02/2020
A+ Aa A-

Më shumë se 731 milion njerëz jetojnë në Europë. Nga vendet e tjera Europa shihet si një vend me pasuri dhe standard të lartë jetese por jo gjithmonë ndodh kështu. Së bashku me vendet e pasura dhe të zhvilluara, në Evropë ka edhe shtete, popullata e të cilëve bën një jetë mjaft modeste dhe shpesh në kushte të vështira.

Ja kush janë 9 vendet më të varfra në Europë duke u bazuar në të dhënat e FMN-së për PBB-në për frymë:

Bullgaria

Prodhimi i Brendshëm Bruto për frymë është 9.267 dollarë. Ky vend ndodhet në Evropën Juglindore. Përkundër faktit se vitet e fundit ekonomia e vendit po forcohet, Bullgaria mbetet një nga vendet më të varfra të Evropës.

Mali i Zi

PBB-ja për frymë është 8,652 dollarë dhe është vetëm 40% e mesatares europiane të vitit 2010, sipas Eurostat. Ekonomia e vendit u rrit me një shkallë mjaft të lartë deri në vitin 2008, kur filloi kriza financiare, e cila goditi rëndë vendin. Sidoqoftë, vitet e fundit situata në Mal të Zi gradualisht po përmirësohet, thonë ekspertët.

Serbia

PBB-ja për frymë është 7,243 dollarë. Ky vend është goditur fort nga kriza financiare e vitit 2008. Para kësaj, vendi ka përjetuar rritje të konsiderueshme ekonomike për tetë vjet, por që nga viti 2009, ekonomia e vendit ka qenë në recesion. Kjo çoi në një rritje të borxhit publik në 63.8% të PBB-së.

Bjellorusia

PBB-ja për frymë është 6.306 dollarë, sipas FMN për vitin 2018. Industria është sektori më i fortë i ekonomisë së vendit. Ekspertët e FMN-së shënojnë faktorë të tillë si investimi i zvogëluar, nivelet më të ulëta të importeve, si dhe kërkesa më e ulët. Të gjitha këto,  kanë bërë që Bjellorusia të konsiderohet një nga vendet më të varfra në Evropë.

Maqedonia Veriore

PBB-ja për frymë është 6,100 dollarë. Maqedonia karakterizohet nga një ekonomi e hapur, baza e së cilës (90% e PBB-së) është tregtia. Vitet e fundit, situata në vend është duke u përmirësuar, megjithatë,  reformat dhe masat e ndërmarra nga qeveria, niveli i papunësisë dhe varfërisë është ende i lartë.

Bosnja dhe Hercegovina

PBB-ja për frymë është 5,674 dollarë. Një vend që i mbijetoi luftës në vitet ’90 të shekullit të 20-të. Aktualisht, autoritetet po përpiqen të rindërtojnë vendin pas armiqësive. Përkundër të gjitha masave të marra, ekziston një shkallë e lartë e papunësisë, dhe standardi i jetesës është një nga më të ultat në Europë.

Shqipëria

PBB-ja për frymë është 5,289 dollarë. Edhe pse ky vend është një nga më të varfrit në Europë, ekonomia e tij gradualisht po përmirësohet. Pra, së shpejti situata mund të ndryshojë, dhe vendi do të pushojë së shfaquri në këtë vlerësim. Vendi ka burime të mjaftueshme natyrore për të mundësuar zhvillimin ekonomik.

Moldavia

PBB-ja për frymë është 3,218 dollarë. Qeveria po përpiqet të prezantojë masa që do t’i lejojnë ekonomisë të tregojë rritje. Përkundër këtyre masave, vendi mbetet një nga më të varfrit në Europë.

Ukraine

PBB-ja për frymë, sipas FMN, ishte 2,963 dollarë në 2018. Vendi po kalon kohë shumë të vështira. Korrupsioni, pengesat burokratike, infrastruktura dhe transporti i zhvilluar dobët. Këto probleme theksohen nga ekspertët e FMN, duke vërejtur se ato parandalojnë zhvillimin e vendit. ( neësobservatory/përshtati Scan )

Image

© SYRI.net

Lexo edhe:

Komentet

Alfons Malo27/02/2020 12:56

Me kete klase politike qe kemi ne jemi mire edhe kaq

Shto koment

Denonco