Çelja e negociatave me BE, data të ndryshme për Shqipërinë dhe Maqedoninë e Veriut

Çelja e negociatave me BE, data të ndryshme për Shqipërinë dhe Maqedoninë e Veriut

20:39, 23/02/2020

“Datat për fillimin aktual të negociatave mund të jenë të ndryshme për Maqedoninë e Veriut dhe Shqipërinë. Kjo ruan parimin e meritës si bazë për një politikë të besueshme të zgjerimit të BE-së.”

Kështu thuhet në raportin e punës së raportuesit për Ballkanin Perëndimor Anne Mulder, i përgatitur gjatë një vizite në Maqedoninë e Veriut. Raporti i kryer në emër të Komitetit të Përhershëm për Çështjet Europiane, i zhvilluar në datat 9 dhe 10 shkurt 2020 ka pasur në qendër përparimet dhe reformat e ndërmarra nga Shkupi zyrtar në kuadër të procesit të anëtarësimit në BE.

Në raport, thuhet se Raportuesi ka bërë këtë vizitë pune në mënyrë që të kuptojë më mirë përgatitjet e Maqedonisë së Veriut për hapjen e negociatave të pranimit për të cilat Këshilli i Bashkimit Evropian do të vendosë më vonë këtë vit. Vizita e punës u zhvillua në kushtet e metodologjisë së re të zgjerimit të BE-së të paraqitur nga Komisioni Evropian javën e kaluar.

Raportuesi Anne Mulder në fund të raportit të tij shkruan se secili vend kandidat duhet të gjykohet në meritat e veta dhe më pas të argumentohet për një ndarje të Shqipërisë nga Maqedonia e Veriut, në vendimmarrjen për negociatat e pranimit në BE.

‘Pas diskutimit në Këshillin Evropian në Tetor, Komisioni Evropian rishikoi metodologjinë aktuale të zgjerimit të BE-së dhe propozoi një rishikim. Tema e zgjerimit të BE-së / Ballkani Perëndimor do të vihet përsëri në rendin e ditës për mbledhjen e Këshillit Evropian në 26-27 Mars’, thuhet më tej në raport.

‘Raportuesi ka vërejtur se që nga vizita e fundit në maj 2019, Maqedonia e Veriut ka bërë përparim të mëtejshëm drejt hapjes së negociatave të pranimit, si pikënisje për një proces që do të çojë në anëtarësimin në BE nëse plotësohen të gjitha kushtet e pranimit. Komisioni Evropian së shpejti do të publikojë raportin e tij të ri të përparimit për Maqedoninë Veriore që do të shërbejë si bazë për diskutim në Këshillin Evropian, me sa duket në fund të Marsit’, thuhet më tej, ndërsa për datat e pranimit mendohet se dy vendet mund të ndahen.

Gjithashtu, në raport thuhet se shumë vende anëtare e lidhin procesin e vendimmarrjes së Maqedonisë së Veriut me Shqipërinë. Por kjo sipas raportuesit për Ballkanin Perëndimor ka bërë që autoritetet në Maqedoninë e Veriut të kërkojnë një rafinim të procedurës së negociatave për të dy vendet.

‘Kjo do të thotë që Këshilli Evropian mund të marrë vendimin zyrtar në të njëjtën kohë për të filluar negociatat me Shqipërinë dhe Maqedoninë Veriore. Pas kësaj, BE mund të ndajë negociatat me të dy vendet dhe planifikimin e tyre përsëri. Para së gjithash, Këshilli Evropian do të krijojë një kornizë të veçantë negociuese të BE-së për secilin nga vendet kandidate. Shkurt, datat për fillimin aktual të negociatave mund të jenë të ndryshme për Maqedoninë Veriore dhe Shqipërinë. Kjo ruan parimin e meritës si bazë për një politikë të besueshme të zgjerimit të BE-së’, thuhet më tej në raportin Anne Mulder./ Newsbomb.al

DOKUMENTI I PLOTE I RAPORTUESIT PER BALLKANIN PERENDIMOR ANNE MULDER, PER MAQEDONINE E VERIUT:

© SYRI.net

Lexo edhe:

Komentet

imi26/02/2020 17:23

Per _ç'fare negociatash te flasin? -Ka ngelur vetem te negociojne per çmimin e droges, nepermjet dhipllomateve te tyre te shitur, se te tjerat edhe lloshat e dijne se jo vetem qe qenqeveria nuk ka punuar asnje dite ne tete vjet (vetem ka vjedhur e shkatrruar), por ka bere hapa prapa si gaforrja ,keshtu qe llajme te ketilla vetem sa na bejne te vjellim vrerin ridhjeres, asgje tjeter!

imi26/02/2020 17:23

Per _ç'fare negociatash te flasin? -Ka ngelur vetem te negociojne per çmimin e droges, nepermjet dhipllomateve te tyre te shitur, se te tjerat edhe lloshat e dijne se jo vetem qe qenqeveria nuk ka punuar asnje dite ne tete vjet (vetem ka vjedhur e shkatrruar), por ka bere hapa prapa si gaforrja ,keshtu qe llajme te ketilla vetem sa na bejne te vjellim vrerin ridhjeres, asgje tjeter!

Shto koment

Denonco