Kreu i Partisë Demokratike, Lulzim Basha, me anë të një postimi në Twitter i bëri thirrje qeverisë që “të marrë masa serioze dhe të menjëhershme” në lidhje me koronavirusin, që në Italinë fqinje ka shkaktuar dy viktima.

Postimi i plotë i Bashës:

Për fat të keq në Italinë fqinje janë shënuar viktimat e para nga coronavirus ndërkohë që po rritet numri i të prekurve prej tij. I kërkoj qeverisë të marrë masa serioze dhe të menjëhershme. I bëj thirrje autoriteteve shëndetësore të nisin kontrollet në pikat kufitare.

Çdo pikë kontrolli kufitar dhe qendër shëndetësore të pajiset pa asnjë vonesë me personelin dhe aparatet e duhura për të evidentuar dhe trajtuar në kohë çdo rast të mundshëm.