Bardhi: Qeveria e Ramës, organizatë mafioze për të asgjësuar Gjykatën Kushtetuese që në lindje

Bardhi: Qeveria e Ramës, organizatë mafioze për të asgjësuar Gjykatën Kushtetuese që në lindje

18:25, 20/02/2020
A+ Aa A-

Menjëherë pasi Presidenti Ilir Meta publikoi këtë pasdite të tjera fakte se si maxhoranca po kërkon të kapë Gjykatën Kushtetuese nëpërmjet manovrave antiligjore, ka ardhur edhe reagimi i parë nga Partia Demokratike.

Sekretari i Përgjithshëm i PD, Gazment Bardhi, shkruan se ‘Qeveria e Edi Ramës me Etilda Gjonajn, Parlamenti i Edi Ramës me Gramoz Ruçin,  Këshilli i Emërimeve në Drejtësi i Edi Ramës me Ardian Dvoranin tani janë të provuar me dokumenta zyrtarë se janë pjesë e një organizate mafioze për të asgjesuar pavarësinë e Gjykatës Kushtetuese që në lindje.’

‘Tentativa kriminale e Edi Ramës për uzurpimin e Gjykatës Kushtetuese u çmontua sot me të tjera fakte të pakundërshtueshme nga Institucioni i Presidentit të Republikës.

Qeveria e Edi Ramës me Etilda Gjonajn, Parlamenti i Edi Ramës me Gramoz Ruçin,  Këshilli i Emërimeve në Drejtësi i Edi Ramës me Ardian Dvoranin tani janë të provuar me dokumenta zyrtarë se janë pjesë e një organizate mafioze për të asgjesuar pavarësinë e Gjykatës Kushtetuese që në lindje. Me një skemë kriminale, Qeveria ka ndërmarrë veprime aktive për t’i rrëmbyer kompetencën kushtetutese Presidentit të Republikës për emërimin e një anëtari të Gjykatës Kushtetuese dhe për të emëruar aty një shërbëtore politike të Qeverisë.

Dokumentat e bërë publikë nga Presidenti janë tronditës. Qeveria boton në Fletoren Zyrtare një akt për llogari të KED-së, që sipas Kushtetutës është një institucion pa asnjë lidhje me Qeverinë.  Është një tjetër akt i paprecedentë që minon ndarjen dhe balancimin mes pushteteve, shtetin ligjor dhe besimin e qytetarëve tek drejtësia, zhbën Reformën në Drejtësi dhe thellon krizën politike dhe institucionale në vend’,- shkruan Bardhi

© SYRI.net

Lexo edhe:

Komentet

Shto koment

Denonco