Meta fton qytetarët: Më 2 Mars t'i japim paralajmërimin e fundit kësaj bande

Meta fton qytetarët: Më 2 Mars t'i japim paralajmërimin e fundit kësaj bande

08:42, 20/02/2020

Presidenti Ilir Meta e nisi ditën me një thirrje ndaj qytetarëve. Ai u kërkoi që më 2 Mars të dalin në Bulevardin 'Dëshmorët e Kombit'

Nga Ilir Meta

Të dashur qytetarë të Republikës së Shqipërisë!

Agresioni pushtues i Rilindjes ndaj të gjithë institucioneve të pavarura në vend është një realitet i hidhur që secili prej jush e ndjen çdo ditë. Por kokëfortësia e saj për të pushtuar me çdo çmim dhe në mënyrë jo vetëm antikushtetuese por edhe mafioze Gjykatën Kushtetuese përbën qartë një grusht shteti, me qëllim instalimin e një diktature të pakicës që ka tmerr nga liria e popullit shqiptar dhe kërkon të zhdukë çdo mundësi demokratike për ndryshim dhe llogaridhënie.

Ndaj ju ftoj të gjithëve në 2 Mars, në Bulevardin "Dëshmorët e Kombit" t'i japim paralajmërimin e fundit kësaj bande që nuk ka ditë që nuk përdhunon Kushtetutën dhe ligjet e vendit.

Nuk ka forcë në botë t'i kthejë shqiptarët 30 vite pas për të zbrazur Shqipërinë nga rinia jonë e mrekullueshme dhe për t'ia dorëzuar mafies ndërkombëtare të ardhmen e Atdheut tonë.

Ndaj në 2 Mars të bëjmë një Besëlidhje të Re për t'ia kthyer sovranitetin e humbur popullit shqiptar dhe rivendosur demokracinë, llogaridhënien dhe sundimin e Kushtetutës.

Shqipëria e para!

Shqiptaria e shqiptarëve! ????????

© SYRI.net

Lexo edhe:

Komentet

Shqiptari20/02/2020 09:53

Azem Hajdari i 1990 po ringjallet! Vetem se keta "Azemet" i 2020 ishin në pushtet disa here, nuk u bene kurre demokrate, as nuk pyeten per studentet, as nuk e rruajten fare per popullin e mjere, por vetem per vete u bene milioner ne krahasim me Azemin e vertete. A nuk ishe ti o Ilir Meta qe e solle Edi Ramen ne pushtet? Tani po ben si hero i vertete!!! Se pari, ne 2 mars kerko falje publike, qe me pazaret e tua te pista, na e solle banden Rilindja ne pushtet. Se dyti, bashke me firmosjen e dekretit per shperndarjen e Parlamenti gjysmak, kerko pyblikisht edhe mbajtjen ne 15 mars te nje referendumi popullor per vendosjen e perhershme ne Kushtetute te Sistemit Zgjedhor Proporcional Rajonal me Lista te Hapura. Se treti, referendum popullor qe Presidenti i Republikes te zgjidhet drejtperdrejt nga populli. Se katerti, te depolitizohen, te departizohen dhe te civilizohen KQZ dhe e gjithe administrata zgjedhore pergjithmone.

Shto koment

Denonco