Kryemadhi pret në takim ambasadorin e ri të Kosovës: Të heqim barrierat dhe të forcojmë lidhjet mes të rinve

Kryemadhi pret në takim ambasadorin e ri të Kosovës: Të heqim barrierat dhe të forcojmë lidhjet mes të rinve

19:05, 20/01/2020

Kryetarja e LSI, Monika Kryemadhi ka pritur në një takim ambasadorin e ri të Kosovës në Shqipëri, Nait Hasani.

Sipas asaj që poston në Facebook, kryetarja e LSI, gjatë takimit është diskutuar nevoja për të forcuar lidhjet mes Shqipërisë dhe Kosovës, me bashkëpunime më të gjera në fushën e ekonomisë, arsimit dhe kulturës, heqjen e barrierave të dëmshme për tregtinë dhe krijimin e mundësive sa më të mëdha për investime nga biznesi privat në të dy vendet.

“Sot prita në takim Ambasadorin e ri të Republikës së Kosovës në Tiranë Z. Nait Hasani.

I urova suksese Z. Hasani në misionin e tij në Tiranë dhe i sigurova mbështetje të plotë për konsolidimin e rrugës së integrimit euro-atlantik të Kosovës.

Gjatë takimit u diskutua nevoja për të forcuar lidhjet mes Shqipërisë dhe Kosovës, me bashkëpunime më të gjera në fushën e ekonomisë, arsimit dhe kulturës, heqjen e barrierave të dëmshme për tregtinë dhe krijimin e mundësive sa më të mëdha për investime nga biznesi privat në të dy vendet.

Gjithashtu u ndalëm dhe në nevojën e shkëmbimeve dhe përvojave midis shoqatave të studentëve, universiteteve, shkollave të mesme, duke forcuar kështu lidhjet midis të rinjve, të cilët janë ata që do të trashëgojnë dhe lartësojnë vlerat e kombit”, shkruan Kryemadhi në postimin e saj.

Image

© SYRI.net

Lexo edhe:

Komentet

Shto koment

Denonco