E pazakontë/ Rama padit në gjykatë Ramush Haradinajn

E pazakontë/ Rama padit në gjykatë Ramush Haradinajn

22:05, 15/01/2020

Trakimi I radhës mes Edi Ramës dhe Ramush Haradinaj, do realizohet në një ambient krejtësisht ndryshe prej herëve të tjera.

Edi Rama, zyrtarisht ka nisur rrugën ligjore ndaj kryeministrit në detyrë të Kosovës, Ramush Haradinaj, ku ka ushtruar padi ndaj homologut të tij nga Kosova, Ramush Haradinaj.

Padia e Ramës është dorëzuar në Gjykatën Themelore në Prishtinë të mërkurën, ku informacioni është siguruar nga “Betimi për Drejtësi”.

Padia e Edi Ramës, përmban mbi 30 faqe dhe pretendon se Haradinaj ka shpifur ndaj Ramës, për deklaratat e tij që i ka dhënë në lidhje me temën e shkëmbimit të territoreve.

Në padi përmenden disa emisione të transmetuara gjatë muajit tetor të vitit të kaluar, në të cilat Haradinaj ka folur për këtë temë, e ku e ka akuzuar Ramën, që së bashku me Hashim Thaçin dhe Aleksandër Vuciqin, kanë nisur idenë e shkëmbimit të territoreve ndërmjet Kosovës dhe Serbisë.

“Në datën 17.10.2019 e 29.10.2019, i Padituri Ramush Haradinaj, në kohën e kryerjes së deklaratës Kryeministër në detyrë i Republikës së Kosovës (më poshtë referuar edhe si “i Padituri” gjatë një interviste të dhënë gazetarit Artur Zheji e të publikuar në emisionin 360.gradë në datën 17.10.2019 si dhe gjatë intervistës së kryer në datën 29.10.2019 në emisionin televiziv Pressing/Zona Pressing të publikuar në televizionin “T7” të Republikës së Kosovës, ka kryer deklarim publik të fakteve shpifëse e mashtruese në adresë të Paditësit me pasojë cenimin e nderit, personalitetit, reputacionit dhe dinjitetit të Paditësit me pasojat e parashikuara në legjislacionin e zbatueshëm”, thuhet në padi.

Në padi thuhet se deklaratat shpifëse shkak padie kanë pasur për kontekst përgatitjet për procesin e dialogut mes Republikës së Kosovës dhe Republikës së Serbisë e që, në parim, sic thuhet në padi, do të duhet të rezultojë në një marrëveshje reciprokisht të detyrueshme për të dyja palët dhe njohje reciproke në mes këtyre dy shteteve.

“Kjo çështje ka dominuar debatin publik që nga fundi i vitit 2018 dhe përgjatë vitit 2019, duke rezultuar në akuza deri për “tradhëti”, çdo herë e përkundrejt personave të pretenduar se gjatë këtij procesi dialogu kanë mbështetur idenë e të ashtuquajturit “shkëmbim të territoreve në mes Kosovës dhe Serbisë””, thuhet tutje në këtë padi.

Sipas padisë, kryeministri i Kosovës, është autori e përhapësi në publik i akuzave për fakte konkrete të cilat në mënyrë të përsëritur e në mënyrë direkte e indirekte, kanë krijuar në publik idenë e rreme sipas së cilës “Kryeministri i Republikës së Shqipërisë në personin e Paditësit është në shërbim të një ideje në dëm të interesit të kombit shqiptar në përgjithësi dhe të interesit të Republikës së Kosovës në veçanti”.

Aty përmenden një numër i madh të deklaratave që Haradinaj vazhdimisht i ka dhënë, e në të cilat e ka apostrofuar kryeministrin shqiptar, Edi Rama.

Pjesë e këtyre deklaratave është edhe ajo ku Haradinaj, sipas padisë, i referohet edhe aferave korruptive, për ta jetësuar idenë e shkëmbimit të territoreve.

Në padi thuhet se ky qëndrim në vazhdimësi i Haradinajt është mbajtur përkundër fakteve që sipas padisë, Rama asnjëherë nuk ka diskutuar për tema të tilla.

“Kryeministri i Republikës së Shqipërisë nuk asnjë rol formal e juridiko-politik në marrëveshjen eventuale në mes Republikës së Kosovës dhe Serbisë. E kjo për faktin se kjo lloj marrëveshje bazuar në Kushtetutën e Republikës së Kosovës, përbën një akt që mund të miratohet vetëm dhe ekskluzivisht nga Kuvendi i Republikës së Kosovës e, për më tepër, kërkon ekskluzivisht miratimin e 2/3 të të gjithë deputetëve të Kuvendit të Kosovës[1], dhe rrjedhimisht 80 vota pro, përfshirë deputetët e koalicionit qeverisës dhe të opozitës, në secilën rrethanë. Kryeministri i Republikës së Shqipërisë asnjëherë nuk ka mbështetur dhe nuk është deklaruar në mbështetje të një ideje të tillë. Qëndrimi i Paditësit në Qeverisë së Republikës së Shqipërisë ka qenë një dhe i vetëm: ai i mbështetjes së pozicionit të qëndrimeve të Republikës së Kosovës drejt një marrëveshje ndërkombëtarisht të detyrueshme për Republikën e Kosovës dhe Serbisë dhe e cila do të rezultonte në njohje reciproke në mes dy vendeve dhe do të hapte rrugëtimin efektiv drejt integrimeve euro-atlantike”, thuhet ndër të tjerash në këtë padi.

Në këtë padi, Rama nuk e ka cekur shumën e dëmit që pretendon se i është shkaktuar.

 

Por, me padi, ai ka kërkuar që përveç kompensimit të dëmit, të detyrohet Haradinaj që t’i ndal deklaratat që sipas padisë, janë shpifje, si dhe t’i përgënjeshtroje ato.

Kryeministri në detyrë i Kosovës, Ramush Haradinaj, vazhdimisht ka akuzuar presidentin e Kosovës, Hashim Thaçi, atë të Serbisë, Aleksandër Vuciq dhe kryeministrit e Shqipërisë, Edi Rama, si liderët që e kanë nisur idenë dhe kanë punuar në drejtim të realizimit të shkëmbimit të territorit ndërmjet Kosovës dhe Serbisë.

 

 

© SYRI.net

Lexo edhe:

Komentet

Tradhtari16/01/2020 00:02

Ishte Rama ai që para disa ditësh nuk la fyerje, sharje e shpifje pa adresuar ndaj elitës politike të Kosovës? Pikërisht ato ditë që flirtonte me Gëbelsin e Beogradit, buzëviçin Vuçiq, qesëndiste udhëheqësit e Kosovës, si klloun karagjoz që është, me dialektin më të vjetër të Gjuhës Shqipe. Sa takime ka bërë në prani të Aleksis Soros me vëth dhe udhëheqësit të Serbisë për realizimin e "vizionit" të tij të imponuar nga sorra e zezë për izolimin e Kosovës dhe ndarjen e saj me Serbinë. Tallet me luftëtarët heronj të Kosovës që e shkruajtën me gjakun e tyre lirinë e popullit shqiptar të Kosovëv ky këlyshi i komunistëve që e tradhëtuan, e shitën dhe e përgjakën në vitin 1945.

Daj Jaku15/01/2020 23:48

Të gjithë e dinë tashmë që E Drama është i çmëndur dhe i pafytyrë, por askush nuk imagjinon se deri në çfarë ekstremi arrin kjo çmënduri. Simbas Doktor Sigmund Freud i njohur si babai i psikollogjisë, mungesa e plotë e turpit është shenja e sigurtë e çmëndurisë totale.

Daj Jaku15/01/2020 23:33

Të gjithë e dinë tashmë që E Drama është i çmëndur dhe i pafytyrë, por askush nuk imagjinon se deri në çfarë ekstremi arrin kjo çmënduri. Simbas Doktor Sigmund Freud i njohur si babai i psikollogjisë, mungesa e plotë e turpit është shenja e sigurtë e çmëndurisë totale.

xhixhi15/01/2020 23:23

Do me I dhon ca lek Ramushit si ja dha Bechetit

Arberi15/01/2020 22:21

Edi Rama nga qe ka dal haptas tradhetar ndaj Atdheut don me u fsheh mbas fijes barit por kosova nuk mashtrohet perseri se ta njef fytyren e shpifur or Edi Rama.

Shto koment

Denonco