Kosova refuzon samitin e Edi Ramës me Vuçiç e Zaev

Kosova refuzon samitin e Edi Ramës me Vuçiç e Zaev

13:23, 18/12/2019

Kosova ka refuzuar sërish samitin e Ramës-Vuçiç dhe Zaev që do të mbahet këtë herë në 21 dhjetor në Tiranë.

Pas deklaratës së bërë nga Ramush Haradinaj, një ditë më parë kryeministria e Shqipërisë bëri të ditur se kishte ftuar presidentin e Kosovës Hashim Thaçi në këtë samit.

Por sot presidenti i Kosovës, Hashim Thaçi ka refuzuar ftesën.

Më poshtë letra e plotë e Hashim Thaçit:

Kryeministrin e Republikës së Shqipërisë, mikun tim Edi Rama, e falënderoj për ftesën për pjesëmarrje në takimin rajonal të shteteve të Ballkanit Perëndimor. Si President dhe në emër të të gjithë qytetarëve të Republikës së Kosovës, edhe një herë shpreh mirënjohjen më të lartë për mbështetjen e vazhdueshme të Republikës së Shqipërisë.

Mbështetja dhe bashkëpunimi reciprok ndërmjet Kosovës dhe Shqipërisë është i natyrshëm dhe i përhershëm. Mirëpo, për dallim nga Republika e Shqipërisë, Republika e Kosovës vazhdon edhe më tutje të ketë pengesa serioze në konsolidimin e shtetësisë së vet. Fatkeqësisht, pengesa kryesore vjen nga Serbia, e cila në të gjitha format dhe mundësitë, në mënyrë të vazhdueshme minon përpjekjet tona për konsolidimin e shtetësisë sonë.

Serbia ka kryer gjenocid kundër qytetarëve të Republikës së Kosovës dhe sot jo vetëm që mohon krimet e kryera, por vazhdon të mos e pranojë ekzistencën e shtetit tonë. Në një situatë të tillë, thirrjet dhe iniciativat për bashkëpunim rajonal janë krejtësisht të pakuptimta. Serbia dhe Bosnje Hercegovina nuk e njohin shtetin e Kosovës.

Kjo nënkupton se këto dy shtete nuk duan fqinjësi të mirë dhe bashkëpunim me Kosovën. Prandaj, për aq kohë sa nuk do të ketë njohje reciproke me këto shtete, nuk mund të këtë përparim në aspektin e bashkëpunimit rajonal. Fundja, Kosova synon anëtarësim në NATO e BE dhe jo të bëhet pjesë e iniciativave eksperimentale rajonale, që janë rezultat i paaftësisë së BE-së për t’ia hapur dyert e anëtarësimit shteteve të Ballkanit Perëndimor.

Në fund, dua të theksoj se rrethanat që e kanë pamundësuar pjesëmarrjen e Republikës së Kosovës në takimin e parë të mbajtur në Novi Sad dhe në të dytin të mbajtur në Ohër, nuk kanë ndryshuar. Si rrjedhojë, unë si President i Republikës së Kosovës, në emër të institucioneve shtetërore refuzoj pjesëmarrjen në takimin e tretë të këtij formati rajonal që mbahet në Tiranë. HTH

Image

© SYRI.net

Lexo edhe:

Tags

Komentet

Daj Jaku18/12/2019 14:47

E ndëgjove o halldup zullap? Merre dhe fute atë gishtin e mesit aty ku nuk thuhet. Bën mirë ti ja kthesh ato lekët Vuçiqiut sepse Shqipëria nuk ka çmim.

Hasani18/12/2019 13:30

E mire aty rrini

Shto koment

Denonco