Partia Socialiste deklaroi se ka në plan të dërgojë në Komisionin e Venecias çështjen e Gjykatës Kushtetuese.
Kështu u shpreh kryetari i grupit parlamentar socialist, Taulant Balla. Ai tha se Komisioni i Venecias është një institucion i gjithëpranuar.
“Kemi marrë iniciativën e një grupi deputetësh për t’iu drejtuar kryetarit të Kuvendit të Shqipërisë për të zgjeruar objektin hetimor të Komisionit të Posaçëm të ngritur për shkeljet kushtetuese nga ana e Presidentit, të identifikuara në një kërkesë të mëparshme.
Është tashmë në praktikën e konsoliduar të Kuvendit të Shqipërisë, sikurse është vepruar nga ana e Komisionit Hetimor Parlamentar në rastin e zhdekretimit të 30 qershorit nga Meta, që kryetari i Kuvendit i drejtohet Komisionit të Venecias, një institucion i gjithëpranuar. Është e domosdoshme që edhe në këtë rast, Komisioni Hetimor t’i drejtohet Kryetari të Kuvendit, që sapo të jetë miratuar nga ana e Kuvendit zgjerimi i objektit të hetimit, t’i drejtohemi menjëherë Komisionit të Venecias që të japë vlerësimin e vetë. I bashkohet vlerësimit të SHBA dhe BE”, tha Balla.
Më herët ishte ambasada amerikane që sugjeroi dërgimin e çështjes te Komisioni i Venecias.
© SYRI.net
Çoje te Venecia edhe grun e motren o Tualet nari, se me ata kllufa qe ka parlamuti, nuk shko dot as deri ne hale, e jo mo me i dhon drejtim kushtetutes!