Ditët e fundit presidenti i Republikës Ilir Meta nuk ka dhënë një përgjigje konkrete se çfarë do të bëjë me parlamentin, do ta shpërndajë apo jo?

Këtë mbrëmje, emisioni Opinion ka trajtuar këtë të martë konfliktin e ri, mes Metës dhe qeverisë për Gjykatën Kushtetuese, ndërsa qytetarët janë pyetur me një sondazh në rrjetet sociale pikërisht mbi mundësinë e shpërndarjes së parlamentit nga kreu i shtetit.

A besoni se presidenti Meta mund të vendosë të shpërndajë parlamentin?

Ishte kjo pyetja e sondazhit, ku kanë votuar rreth 6 mijë qytetarë.

63 % e votuesve mendojnë se Presidenti Ilir Meta do ta shpërndajë Parlamentin, dhe 37 % mendojnë të kundërtën.