Kryetari i PD, Lulzim Basha dhe kryetarët e partive aleate opozitare, që kanë djegur mandatet, kanë shkuar në orën 9:00 në takimin e thirrur nga Presidenti Ilir Meta.

Në ftesën që iu dërgua nga Meta, sqarohej arsyeja e këtij takimi: “ Nisur nga situata dramatike, në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e Partive të Opozitës së Bashkuar në një takim, në një kohë sa më të shpejtë”.