Deputetët projektligj me 200 fjalë, me më shumë se 200 gabime

Deputetët projektligj me 200 fjalë, me më shumë se 200 gabime

21:41, 16/11/2019

Pak javë më parë, fjalimi i parë në Kuvendin e Shqipërisë i deputetës Majlinda Halilaj, me “kërpëratën” e saj, bëri bujë në media dhe rrjetet sociale.

Por gafat dhe gabimet në Parlamentin qesharak nuk kanë të mbaruar.

Një projektligj i propozuar së fundmi i firmosur nga 20 deputetë të së ashtuquajturës "Opozita e Re", duket se ka më shumë gabime drejtshkrimore se sa fjalët në tekst.

Sipas vështrimit të Institutit të Studimeve Politike, projektligji në fjalë ka më shumë se 200 gabime ortografike.

Mes deputetëve firmëtarë, përveç Halilajt, janë edhe emrat e Myslim Murrizit, Rudina Hajdarit, Ralf Gjonit etj.

Denoncimi nga ISP:

Përfaqësimi parlamentar nuk është vetëm formal, – votim në seancë, fjalime, debat e replika. Ai duhet të jetë edhe aktivitet përmbajtjesor, akt solemniteti, përgjegjësie, aftësie dhe vizioni për të treguar se të jesh në politikë do të thotë, ke diçka për të dhënë për vendin, ke merita dhe ke potencial për vendimmarrje. Shumicën e këtyre cilësive nuk i kemi pasur prej kohësh dhe as nuk i kemi në parlamentin aktual.

Dhe kur mungojnë ato, atëherë kërkohet minimumi i standardeve, – së paku të jenë formalisht korrekt me “vendin e punës”. Po cili është niveli parlamentar dhe cilat janë standardet aktuale parlamentare? Ka shumë tregues dhe sot po sjellim një prej tyre, – nismën ligjore të depozituar këto ditë nga 20 deputetë në parlament. Është një propozim me më pak se 200 fjalë dhe në to, më me shumë se 200 gabime ortografike. Mirë që nuk përdoret rregullisht germa “ë” apo që ka gabime drejtshkrimore në tekst, por aty ka emërime përmbajtjesore të gabuara.

Për shembull, mungon emërtimi i draftit ligjor, mungon referimi i saktë në bazën ligjore, vetë emërtimi “projektligj” ka një germë të munguar, janë përmendur funksione që nuk ekzistojnë apo disa funksione janë emëruar gabim, si p.sh, në vend të përcaktimit “Forcat e Armatosura” përmendet “ushtri”, përmendet “shkollat e larta politike të PPSH” kur në Shqipëri nuk ka pasur kurrë shkollë dhe as emërtim të tillë, trajton ish anëtarë e bashkëpunëtorë të shërbimeve sekrete të shteteve ish anëtare të Traktatit të Varshavës, – informacion që nuk e ka dhe nuk mund ta ketë shteti shqiptar; etj, etj.

Pyetja më e rëndësishme nuk lidhet me emrat e deputetëve nënshkrues, sepse shumica absolute e deputetëve nuk i lexojnë aktet ku firmosin dhe për më tepër, nuk i hartojnë ato. Pyetjet janë më komplekse: a mund të jetë ky niveli i politikës vendimmarrëse dhe shtetit shqiptar më 2019? A mund të jetë ky një draft ligjor në parlament? A është ky niveli i politikës shqiptare dhe institucionit të saj më të rëndësishëm kushtetues e përfaqësues? A kanë njohuri deputetët nga ligjet, nga rregulloret, nga institucionet dhe mbi të gjitha, nga rregullat formale e zyrtare të përdorimit të gjuhës shqipe? A ka parlamenti ekspertë e staf profesional që i shpreh nismat politike në akte të shkruara ligjore? Në emër të pushtetit që kanë, a duhet që publiku të pranojë si akt zyrtar e shtetëror çdo gafë/çdo produkt që vjen nga politika?

Projektiligji në fjalë:

Image

Deputetët firmëtarë:

Image

© SYRI.net

Lexo edhe:

Komentet

Albi16/11/2019 22:56

Ishalla vrafshi veten o te degjeneruar

Shqiptari16/11/2019 22:53

Ahhhhhh! Me qafsh moj Shege, se na ngeli plendesi varur! Ja keta jane mender opozita parlamentare qe ka perballe Rama! Kokrra e idioteve, analfabeteve dhe injoranteve! Nga keta pret SHBA dhe BE, qe te behen ligje dhe reforma??!!!! Ky Parlament duhet te shpallet monument historik i budallallekut politik. Ky parlament eshte i paperseritshem dhe me qesharaku. Jane ne te njejten salle 71 hajdute dhe 49 idiote!

Daj Jaku16/11/2019 22:33

Një pyetje: A nuk ishin po këta derra injorantë në listat për deputetë, të futur në këto lista nga kryetarët e partive kryesisht opozitare? KQZ i mori nga rruga apo nga listat? Muti nuk duhet ti dedikohet vetëm KQZ, ai ishte i gatshëm nëpër listat e kryetarëve të Partive. Muri i u bë politikës dhe demokracisë nga kodi zgjedhor i hartuar nga këta kryetarë të partive me qëllim sundimin e tyre mbi partitë. Kush sundon mbi partinë, përse nuk dashka me sundu mbi popull?

Shto koment

Denonco