Presidenti Ilir Meta vijon me ftesat e tij, në përpjekje për të zgjidhur ngërçin dhe krizën institucionale që ka kapluar vendin.

Pas ftesës për takim që, kreu i shtetit i dërgoi kryetarit të PD Lulzim Basha, kryetarëve të partive të koalicionit Opozita e Bashkuar dhe Këshillit të Ambasadorëve shqiptarë, së fundmi Meta fton dhe Fondacionin për Shoqëri të Hapur, SOROS, dhe organizata të tjera të shoqërisë civile, të angazhuara me reformën në drejtësi. për një takim javën në vijim.

Ftesat për takime nga presidenti i Republikës vijnë pas përplasjeve me mazhorancës sa i përket emërimeve në Gjykatën Kushtetuese.

Duhet rikujtuar se, Kreu i Shtetit, ditën e hënë pritet të dorëzojë në prokurori dhe kallzim penal ndaj kreut të Këshillit të Emërimeve në Drejtësi, Ardian Dvorani, të cilin e akuzon për shpërdorim detyre dhe përvetësim i titullit, apo detyrës shtetërore gjatë procedurave për zgjedhjen e anëtarëve të Gjykatës Kushtetuese.

Sipas tij, Dvorani synoi krijimin e një gjendje anti-kushtetutshmërie, duke e vendosur presidentin e Republikës në pamundësi kushtetuese, dhe u përpoq të krijojë një gjendje të faktit të kryer ndaj presidentit. /SYRI.net