Ditën e sotme, përmes një letre publike, presidenti i Repubikës Ilir Meta ftoi në një takim liderin e opozitës Lulzim Basha, bashkë me të gjithë kryetarët e partive aleate me PD-në.
Në ftesën e tij, Meta shprehet se vendi ndodhet në një situatë dramatike, dhe se takimi duhej zhvilluar sa më shpejt, mundësisht para datës 20 nëntor.
Por kreu i shtetit pritet të mos ndalet me kaq.
Burime për Syri.net dhe Syri TV, shprehen se, Presidenti Meta pritet të ftojë javën e ardhshme për një takim Këshillin e Ambasadorëve shqiptarë, për ti informuar këta të fundit për situatën e rëndë të funksionimit të shtetit ligjor, që sipas presidentit, rrezikon izolimin e vendit.
© SYRI.net