Ish deputeti i PD-së, Klevis Balliu ka treguar në emisionin Opinion dhunë barbare që Policia e Shtetit ushtroi mëngjesin e sotëm ndaj banorëve të "Unazës së Re".

Përmes fotove, ai rrëfeu rastet e disa qytetarëve, të cilët kanë marrë lëndime serioze.

“Dhuna nuk është iniciuar nga banorët. Banorët kanë qenë brenda dhe gazi është hedhur nga furgonët e policisë. Policia i ka goditur me gurë, i ka hedhur nga tarraca, sot kemi një person që rrezikon të mbetet… Është Artur Muja i kanë thyer kockat e këmbës. Rrezikon të ketë probleme gjithë jetën Ky zotëria këtu është invalid, Gent Alla dhe ja çfarë i akne bërë”, tha ish deputeti.

Mëngjesin e sotëm pati përplasje të forta në zonën e “Astirit” në Tiranë, kur Inspektorati Kombëtar i Mbrojtjes së Territorit, (IKMT) kishte planifikuar nisjen e prishjes së disa godinave, që preken nga projekti i ndërtimit të "Unazës së Re". Rezistencës së banorëve, policia iu përgjigj me dhunë dhe me përdorimin e gazit lotsjellës, duke lënë disa banorë të plagosur.