Akuzat për shtëpinë/ Basha: Gënjeshtër për të larguar vëmendjen nga dështimet e qeverisë

Akuzat për shtëpinë/ Basha: Gënjeshtër për të larguar vëmendjen nga dështimet e qeverisë

21:49, 05/11/2019
A+ Aa A-

Pak ditë më parë, u përfol në media për një zhvendosje të kreut të PD, Lulzim Basha dhe familjes së tij në një prej zonave elitare në kryeqytet, të ndërtuara nga një biznesmen, i akuzuar po nga opozita si oligark.

Por, i ftuar në “Përballë” në RTSH, lideri i opozitës ka mohuar gjithçka.

Sipas tij, kjo është shpërngulje e përkohshme. Gjithçka tjetër është gënjeshtër për të larguar vëmendjen nga dështimet e qeverisë.

Ai shtoi se, nuk ka asnjë lidhje me asnjë oligark.

Pyetje: Ajo çfarë kërkohet nga lideri i opozitës janë standardet minimale të transparencës. Ju keni thënë që keni kaluar me qera përkohësisht, por ndoshta njerëzit do të kërkonin një kontratë qiraje...

Lulzim Basha: Këto janë gënjeshtra të cilat janë shpërndarë nga qeveria, me synimin cinik për të hequr vëmendjen nga lista e gjatë e dështimeve të kësaj qeverie. Sqarimet e mia kanë qënë të plota dhe shterruese. Por, unë nuk kam ndërmend ti hyj dhe të bëhem pjesë e kësaj loje me të cilën ka për qëllim, pikërisht, për të hequr vëmendjen nga e vërteta e hidhur me të cilat përballen sot shqiptarët. Prandaj detyra ime është të jem me shqiptarët, ky është edhe qëllimi i turit në të cilin jam përfshirë dhe do të vazhdoj, për të dëgjuar të vërtetat dhe jo gënjeshtrat që kanë për qëllim pikërisht të heqë vëmendjen nga këto të vërteta. Janë gënjeshtra të pastra pa asnjë bazë. Gjithçka që është hedhur nga ato media të kontrolluara nga qeveria, janë të gjitha gënjeshtra. Është sqaruar gjithçka. Kam lëvizur me qira për një përiudhë të përkohshme dhe nuk kam asnjë lidhje me asnjë oligark dhe nuk do të kem lidhje me asnjë oligark. Sulmet ndaj meje kanë për qëllim të heqin vëmendjen nga këto të vërteta. Dhe nuk kam për t’u tërhequr nga beteja ime kundër asnjë oligarku dhe asnjë të inkriminuari. Pra, kanë për qëllim vetëm të heqin vemendjen nga të vërtetat e hidhura, nga lista e gjatë e dështimeve të kësaj qeverie. Nga negociatat, me Kajmakun, atentatet mafioze kundër prokurorëve. Sa herë që Edi Rama dhe qeveria ndodhën në këto vështirësi, fabrikojnë gënjeshtra kundër meje përsonalisht dhe kundër familjes time.

Pyetje: Mund të botoni një faksimilje të kontratës dhe nuk do të merreshin më me ju.

Lulzim Basha: Shiko, kontratat dhe gjithçka tjetër janë të depozituara dhe këto i dinë fare mirë të gjithë. Qeveritarët dhe tellalët e tyre i dinë fare mirë sepse gjithçka është publike. Ajo që po ju them është kjo: E gjitha është një gënjeshtër, pa asnjë bazë në realitet dhe që ka një qëllim të vetëm: të heqë vëmendjen, në rradhë të parë nga lista e gjatë e dështimeve të Edi Ramës, dhe së dyti nga të vërteta e hidhura të shqiptarëve. Po jua them edhe njëherë zoti Dervishi. Unë refuzoj të bëhem pjesë e kësaj loje të ndyrë me një qëllim politik, të heqë vëmendjen nga dështimet e kësaj qeverie, nga të vërtetat e hidhura të shqiptarëve.Koha ime, e cila nuk është vetëm e imja, por është e qytetarëve shqiptarë, është e opozitës, është e interesit publik, do të shkojë tek interesi publik dhe interesi publik, është kjo që po bëj. Bashkëbisedimi me qytetarët, evidentimi i këtyre të vërtetave të hidhura dhe ardhja së bashku tek zgjidhjet e përbashkëta për ta nxjerrë vendin nga kriza.

© SYRI.net

Lexo edhe:

Komentet

Altini06/11/2019 11:29

O bashe te kerkoi nxirr kontraten, mos i bjer verdall. Nese jeton te oligarket qe sulmon thuje se nuk eshte turp

Daj Jaku05/11/2019 23:55

I bie rrotull me kundërakuza duke përsëritur disa herë të njejtën gjë. Më mirë bjeri drejt, thuaj arsyen përse je transferuar tek vila, trego kontratën e qerasë, je njeri publik, bëj transparencë të plotë, pastaj gënjeshtrat e kundërshtarëve zbërthehen vetvetiu, nuk ka nevojë të shtosh debat dhe kundërakuza për një çështje kaq të thjeshtë. Rikonstruksion i shtëpisë, shkoj përkohësisht me qera, ja kontrata, ja edhe pagesat mujore me bankë. Në qoftë se është vërtet kështu, kaq e thjeshtë. Ishallah.

Shto koment

Denonco