Kryetari i Partisë Demokratike, Lulzim Basha, i ka bërë thirrje qytetarëve sot se ka ardhur koha që ta refuzojnë Edi Ramën kryeministër, në një kohë që atë e refuzoi edhe Evropa.
Në një mesazh në Fb, Basha thekson, se Rama është njeriu që po pengon hapjen e negociatave dhe citon deklaratat e krerëve të 4 shteteve lidhur me vendimin për të mos i çelur ato për Shqipërinë.
''Megjithë lojërat e Ramës për t'u fshehur pas propagandës, - shkruan Basha në Fb, - të gjithë e shohin me sy të vërtetën. Ai dështoi të na afrojë me Europën, siç dështoi të përmirësojë ekonominë dhe të luftojë korrupsionin.
Shqipëria e meriton hapjen e negociatave. Shqiptarët meritojnë më të mirën. Për fat të keq ka një njeri që e pengon këtë rrugë. Europa e refuzoi, tani është koha ta refuzojnë shqiptarët.''
Mesazhi i kreut demokrat është shoqëruar me deklaratat e Kancelares gjermane Merkel, Presidentit francez Macron, Kryeministrit holandez Rutte dhe Ministres së Çështjeve Evropiane Typpurainnen.
Tekstet e plota te citimeve te lidereve europiane:
Kancelarja e Gjermanisë, Angela Merkel: Shqipëria nuk na ka bindur që të marrim një vendim unanim.
“Maqedonia e Veriut ka bërë shumë sa i përket hapjes së negociatave. Ndryshimi i emrit ka qenë një progres i madh, edhe Shqipëria ka bërë progres, por nuk na ka bindur që të marrim një vendim unanim.”
Presidenti i Francës, Emanuel Macron: Shumica e shteteve ishin kundër Shqipërisë.
“Dje dëgjova disa fjalë se ne pothuajse arritëm uninamitet për hapjen e bisedimeve me Shqipërinë dhe Maqedoninë e Veriut. nuk është e vërtetë. Padyshim, aty kishte një shumicë te gjerë që Maqedonisë së Veriut ti hapen negociatat, por shumica e shteteve ishin kundër Shqipërisë. Nisja e bisedimeve të anëtarësimit vetëm me një vend do të ishte një gabim.
Kryeministri i Hollandës, Mark Rutte: Pyesim veten sa progres është arritur dhe me Shqipërinë kemi më shumë shqetësime.
“Ne, si shumë vende të tjera ende jemi të shqetësuar – diçka më pak për Maqedoninë e Veriut dhe më shumë për Shqipërinë. Pyesim veten se sa ka shkuar progresi në Shqipëri dhe, pikërisht këtu, kemi më shumë shqetësime.”
Tytti Tuppurainen, Ministre e Finlandës për Çështjet Europiane: Diskutuam edhe ndarjen e Maqedonisë së Veriut nga Shqipëria
“Përdorëm të gjitha mundësitë për t’i ofruar diçka Ballkanit Perëndimor, përfshi dhe ndarjen e dy vendeve, sepse shumica ishin të parimit se vendet duhen vlerësuar në bazë të meritës.
© SYRI.net
Ke 6 vjet që bën gam gam ndërkohë e drama majet e fryhet e vazhdon vazhdimin duke marrë të gjitha pushtetet, deri edhe Akademinë e Shkencave. Më thuaj të paktën një, vetëm një copëzë të voçkël që nuk e mori, që u zbyth nga llafet e tua, të "opozitçkës" (madje edhe opoziçkën e emëroi në parlament), të mediave, të analistëve, të dosjeve, të përgjimeve, të Bild, të VOA. Nuk e kuptoj dot më, përse vazhdon kot fare me të njejtën mënyrë, me të njejtin stil (të dhjefsha stilin), duke bërë deklarata, duke bërë paralajmërime serioze numër 1357 e në vashdim. Diktatori rrëzohet vetëm me dhunë, përndryshe qëndron deri sa ka jetë. Pa dhunë përfundon si neve me Ramizin që fup kthehet prapë dhe ndodhin vitet 97, gërdecrat, fup e drama, gjeneral lleshrat me gaz, me shkatërtime shtëpish të popullit, me krimin në qeveri, me arratisjen e popullit në masë, me shitjen e interesave të atdheut, ndërkohë ti me facebook facebyth.
Edhe shqiptarët e kanë refuzuar zoti Basha ,por që t'a shporrim përfundimisht këtë neodiktator duhet të organizoni protesta të pa ndashme dhe të fuqishme sepse me deklarata nuk ikën ai, këtë e dimë të gjithë tashmë.
DUHET E KUNDERTA Z. BASHA E ASAJ QE THUA TI. E KA REFUZUAR POPULLI RAMEN PA E REFUZOI EUROPA.