Ballkanas, por jo njësoj

Nga Klodian Tomorri

Ramush Haradinaj ishte Kryeministër kur Kosovës ju rrezikua integriteti territorial. Jo për fajin e tij, por për shkak të prapësive të Thaçit, Vuçiçit dhe Ramës. Megjithatë, edhe pse nuk pati asnjë faj, ja ktheu mandatin popullit. La sovranin të vendosë dhe sovrani vendosi.

Zoran Zaevit i dështoi hapja e negociatave me Bashkimin Europian. Jo për fajin e tij, por me shumë gjasa për shkak të Shqipërisë. Edhe ky bëri të njejtën gjë. Edhe pse nuk ka asnjë faj, ja ktheu mandatin popullit.

Edi Ramës i dështoi hapja e negociatave me Bashkimin Europian. Sigurisht jo për fajin e Zaevit. Qendron si tribun, stoik në detyrë. Por edhe nëse nuk ka asnjë faj, dy Kryeministra të vendeve fqinje ikën pa asnjë faj. Kryeministri ynë nuk leviz, edhe pse nuk thotë dot që nuk kam asnjë faj.

Në çeshtje kaq të mëdha si kjo e integrimit, e vetmja rrugedalje janë zgjedhjet. Populli duhet lënë të flasë. Rama e ka mbaruar misionin. Dhe për fatin e keq të Shqipërisë, e vetmja gjë për të cilën do mbahet mend janë atletet.