Ambasadori i OSBE në Tiranë, Bernd Borchardt, me sjelljen e të pahijshme të dhe të turpshme mbrëmjen e së dielës, duke i treguar gishtin e mesit protestuesve të Unazës së Re, ka shkelur në mënyrë flagrante pikën 1 dhe pikën 3 të Kodit të Sjelljes të stafit të OSBE.

Siç mund ta shihni edhe më poshtë, dokumenti zyrtar, që është obligues për çdo punonjës të OSBE, mbi të gjitha për nivelin e ambasadorit, pika 1 dhe pika 3 e “Kodit të Sjelljes” janë shkelur hapzati nga Borschardt. E para për sjelljen e pahijshme dhe e dyta për njëanshmërinë e tij politike në Shqipëri, shkruan Syri.net.

Por çfarë thonë konkretisht këto dy pika në Kodin e Sjelljes për punonjësit dhe stafin e OSBE?

PIKA 1.

Sjellja e zyrtarëve të OSBE-së

Zyrtarët e OSBE-së duhet të sillen në nivelin më të lartë personal profesional ndërsa është në detyrë me qëllim që të përfaqësojë me sukses OSBE-në.

Zyrtarët e OSBE-së nuk duhet të veprojnë në një mënyrë e cila sjell diskreditim pranë Sekretariatit, Institucionit ose Misionit tek të cilat ata janë caktuar.

Ata duhet ti përmbahen normave dhe angazhimeve të OSBE-së dhe dhe të respektojnë Institucionin dhe Misionin në kryerjen e detyrave të tyre.

PIKA 3

Paanshmëria

Zyrtarët e OSBE-së duhet të sillen në çdo kohë në një mënyrë që i përshtatet statusit të një nëpunësi civil ndërkombëtar. Ata duhet të qëndrojnë larg çdo veprimi që mund të hedhë dyshime në aftësinë e tyre për të vepruar në mënyrë të paanshme.

Zyrtarët e OSBE-së nuk duhet të angazhohen në çdo aktivitet që është i papajtueshëm me performancën dhe detyrat e tyre në OSBE ose që mund të reflektojnë negativisht në statusin, integritetin, pavarësinë dhe paanshmërinë e pozicionit dhe funksionit të tyre si zyrtarë të OSBE-së.

Zyrtarët e OSBE-së duhet të sigurojnë që pikëpamjet dhe bindjet e tyre personale, përfshirë bindjet e tyre politike dhe fetare, nuk ndikojnë negativisht në detyrat e tyre zyrtare ose në interesat e OSBE-së.

Më herët, në një përgjigje zyrtare për Syri TV, selia qëndrore e OSBE në Vjenë u shpreh se, ka nisur verifikimet për rastin e ambasadorit të saj në Tiranë.

“Po ne jemi të njohur me incidentin. Faleminderit për mesazhin tuaj dhe për shprehjen e shqetësimit. OSBE ka standardet më të larta të sjelljes dhe pritet që edhe të gjithë zyrtarët e saj tu qëndrojnë atyre. Këto standarde të sjelljes, zbatohen edhe përmes proceseve të forta e të brendshme të cilat ndërmerren sapo informacioni del në dritë në lidhje cfarëdo prishje të supozuar të standardeve të sjelljes. Gjithësesi, këto procese janë çështje të menaxhimit të brendshëm, të adresuara në mënyë të drejtë, transparente dhe pas një paragjykim për askënd. Prandaj ju do të na mirëkuptoni që ne nuk mund të komentojnë publikisht për asnjë proces që mund të nisë”, thuhet në përgjigjen zyrtare për Syri TV. /SYRI.net