Iriqi: - Urime për fitoren. Si ndjehesh?
Kurti: - Nuk e besoj akoma. Sidomos kur shoh që tani më shoqërojnë policë mendoj se do më arrestojnë.
Iriqi: - Pse kështu?
Kurti: - Nga që Thaçi është ende president e gjen plot mënyra që të ma zërë gëzimin në grykë. Por do e shkarkoj.
Iriqi:- E si?
Kurti: - Kanë të huajt plot dosje për të. Si gjarpër është,helm ka hedhur kudo.
Iriqi: - Po me Ramën si do bashkëpunosh?
Kurti: - Me atë e kam kollaj. Veç duhet pritur ora 5 mbasdite. Më pas ai thotë veç po, po.
Iriqi: - Pse?
Kurti: - Ajo është ora e saktë kur ai thith vizën e pestë. Nuk i punon më pas as truri, as trupi. Gjuha lëshon veç pasthirrmën po,po,po.
Iriqi: - Po taksën e rrugës do e heqë?
Kurti: - Të bëjë çfarë të dojë. Ne po çelim autostradën me Maqedoninë e Veriut. Tregtinë e bëjmë atje. Dhe dalje në det do kemi.
Iriqi: - Ku?
Kurti: - Në Selanik. 2020 na gjen me viza të hequra. Taksës t’i pijë lëngun Rama. Do e paguajnë veç kuksianët dhe hasjanët. Mjerë Kastrati.
Iriqi: - Bisedimet me Beogradin do i udhëhiqni ju?
Kurti: - As diskutohet. Dhe besoj se do ia dal.
Iriqi: - Si?
Kurti: - Po ja do u dhuroj Batonin. Duket për të qeshur,por spiunët kanë vlera. Kur të çoj Batonin në Beograd Vuçiç do bëjë festë. Si shpërblim ai do njohë Kosovën.
Iriqi: - E di Batoni?
Kurti: - E di dhe ka ca ditë që fle poshtë dritares sime. Nuk do që të ikë se Prishtina për të është si lopë holandeze. E ka ngopur me para dhe lavdi.
Iriqi: - Mbase e mban Rama në Tiranë?
Kurti: - Rama nuk mbajti Tahirin që e kishte shef të operacioneve të trafikut të drogës,jo më Batonin që tashmë është si kalë i lodhur e lëshon nga goja veç jargë serbe.
Iriqi: - Po me Berishën si i ke marrëdhëniet?
Kurti: - Berisha është si kishë. Të gjithë shkojnë e falen te ai. I thashë dhe Thaçit para ca kohësh. Kujdes me Berishën se ti je president i Kosovës, por ama ai është president i kosovarëve. E kuptove Iriq? Tung!
© SYRI.net