Pasi kryetari i opozitës Lulzim Basha bëri publik sot një zotim të madh, rritjen e pagës minimale në 300 Euro në gjashtë muajt e parë të qeverisjes dhe, në 400 Euro brenda mandatit të parë qeverisës të PD-së, anëtari i Kryesisë së PD, Enno Bozdo ka treguar arsyen e këtij premtimi kaq konkret dhe që zgjoi të vëmendje të madhe tek qytetarët.

Në SYRI TV,  Bozdo shpjegoi se "platforma ekonomike është e rëndësishme për të tërë, qytetarët, biznesmenët, ata që duan të investojnë... Na është kërkuar prej kohësh jo vetëm nga strukturat tona, por edhe nga qytetarët, që PD të jetë më e detajuar, më e shkoqitur dhe të mos japë vetëm kornizat makro të platformës, por të hyjë në detaje dhe të bëjë propozimet përkatëse dhe zgjidhjet përkatëse.

Besoj se kemi hyrë në këtë stinë. Është një platformë për të cilën kemi punuar shumë me grupet e interesit si dhe me mbështetjen e këshilltarëve ekonomikë të CDU dhe besoj se do të jetë një ndër armët shumë të forta të PD për të fituar zgjedhjet e ardhshme parlamentare, që shpresojmë se do të jenë të parakohshme dhe shpejt," theksoi ai.

Ndiqni intervistën e plotë: