Ngritja e 4 HEC-eve në Kaçinar të Mirditës ka vënë përballë banorët e zonës me firmën ndërtuese e cila e ka marrë prej kohësh lejen e ndërtimit nga Ministria e Infrastrukturës dhe Energjisë.
Të parët këmbëngulin në mosndërtimin e këtyre HEC-eve pasi grumbullimi i ujërave në kaskadën Kaçinar do t’u zhdukte atyre çdo lloj mundësie për jetesë. Të dytët pretendojnë se qeveria u ka dhënë të drejtën sipas ligjit të ndërtojnë.
Por të paktën prej disa muajsh konflikti ka zbritur në ‘bazë’, tek administratori i Njësisë Administrative Kaçinar, Gjet Shkurti.
Vetëm 2 muaj më parë ky i fundit u kap në audio me disa banorë të zonës teksa i kërcënonte ata për t’u hapur rrugë ndërtimeve të HEC-eve se projekti shkonte në miliona lekë.
‘Pasha Zotin njanen ke me e ba, a me hik a me marrë paret (50 mijë euro), vec n’hifsh n’tok’, dëgjohet Shkurti në audio ndërsa banori i përgjigjet: ‘Ti Gjet s’mundesh me na ba presion’.
Audio u publikua në muajin korrik në Facebook-un e ish-kryeministrit Berisha.
Ndërkohë sot Faxweb.al ka siguruar një tjetër audio ku dëgjohet administratori socialist i Kaçinarit, Gjet Shkurti teksa debaton me një banor të zonës ku i përmend dhe kryeministrin Rama si garanci e ndërtimit të këtyre HEC-eve:
‘Veç në q*ftë nanën e vet Edi Rama se ka me i dal zot deri ditën e fundit ose ka me i dhan firmës 7 milionë euro mbrapsht, se i ka dhan firmën për me e bo, trrakk, e di ai’.
Banori (i paidentifikuar) i kërkon ta zgjidhin këtë çështje me Kanun, por sipas administratorit Shkurti shoqëria e ka marrë ‘me shtet’ lejen, çka garanton mospengimin e ndërtimit të HEC-eve në zonë.
Biseda e plotë mes administratorit Gjet Shkurti dhe një banori të zonës:
Administratori: As s’jemi djegur, as s’kemi dalë fare. I dalim zot vetes e harrojmë shtetin, shtetin e lëmë mënjanë, me merremi me punët tona.
Qytetari: Pse nuk e zgjidhni me Kanun punën e ujit atëherë?
Administratori: Se kemi fitu me Kanun (lejen) e kemi fitu me shtet. Por katunit (banorëve të fshatit), duhet me iu përgjigj.
Qytetari: Herë thua Kanun e herë me shtet mor burrë…
Administratori: E ka fitu me shtet (lejen e HEC), dhe atë veç në q*ftë nanën e vet Edi Rama se ka me i dal zot deri ditën e fundit ose ka me i dhanë firmës 7 milionë euro mbrapsht, se i ka dhëne firmën për ta bërë, trrak, e di ai… Ndërsa me zakon e di ai se ka thënë Edi Rama, ajo është toka jote.
Kujtojmë se kontrata për ndërtimin e HEC-eve në zonën e Mirditës është firmosur mes Ministrisë së Infrastrukturës dhe Energjisë dhe Shoqërisë ‘Shpërdhaza – Energji’ shpk. Gjithashtu administratori Gjet Shkurti është nipi i pronarit të ‘Shperdhaza Energji’, Ndue Shkurti.
Nga ana tjetër odisea e banorëve në mbrojtje të resurseve të tyre natyre vijoi dhe sot ku u shënuan disa incidente në zonën ku është parashikuar ndërtimi i HEC-eve.
Gjithashtu mbrëmjen e kaluar një banor i zonës u shoqërua në komisariat dhe u mbajt për disa orë pasi u kishte bërë thirrje banorëve të tjerë të protestonin kundër nisjes së punimeve.
Burime bëjnë me dije se në asnjë prej 4 HEC-eve të parashikuara në zonën e Mirditës nuk ka nisur puna për ndërtimin e tyre.
Atëherë nëse qeveria nuk i ka ‘mbrojtur krahët’ firmës ndërtuese me klauzola dëmshpërblimi në rast të mosrealizimit të investimit lind pyetja: Pse kryeministri Rama duhet t’i kthejë mbrapsht 7 milionë euro?!
© SYRI.net
PATRIOTI DT 14 shtator 2019 Sigurisht që ju keni prejardhje turke, duket mënyra e të shprehurit..
Ky fare patrioti qe shan mirditoret dhe kanunin... Po ku e di mendja jote e vogel se cfare eshte Kanuni mor mjeran. Me mire kanuni se komunizmi. Kamuni sta merr gruan nga krevati as gocen te ta qoje ne aksion.. as token e te pareve dhe ujin qe te ka dhene Zoti per ta bere hidrocentral qe prodhon energji sa per 2 fshatra.. dhe ta shet aq sa ske mundesi ta paguash.. dhe te ben mu..in ne dere te shtepise.. e gjitha per te ngopur xhepat e oligarkeve qe vetequhen biznesmene dhe politikaneve qe firmosin per ta me qellim qe te shtojne llogarite e tyre neper parajsa fiskale.
Se mos hera e parë........
At pune e ka ba me kohe e tash asht tu u ba gati me ja fut vedit :P
Po mirë mor shk.....të Mirditës edhe hidroçentralet me " KANUN " do ti ndërtoni siç po thoni në lart.. Po turp nuk kini?...Keni mbetur të " qytykosur" si në kohë të perandorisë turke mor maskarenj të kombit, që akoma sot na kujtoni kanunin. Prandaj dhe kryeministri ynë i " madhërishëm" po ju shk..... ju mbeturinat e kombit shqiptar që flini dhe gëdhiheni me kanunin nën jastëk....
Aman, burra, mos e thoni atë fjalë, se Rama edhe atë punë e bën.