'Patriot dhe humanist i madh'/ Meta shpreh ngushëllimet për ndarjen nga jeta të Mikel Kuzhninit

'Patriot dhe humanist i madh'/ Meta shpreh ngushëllimet për ndarjen nga jeta të Mikel Kuzhninit

19:23, 23/08/2019

Presidenti i Republikës, Ilir Meta ka ndarë keqardhjen e tij për ndarjen nga jeta të Mikel Kuzhninit, Kryetarit të Nderit të Lidhjes Shqiptare në Botë, të cilin e cilëson një humanist, patriot dhe veprimtar të palodhur për çështjen shqiptare.

‘I trishtë lajmi për ndarjen nga jeta të Mikel Kuzhninit, Kryetarit të Nderit të Lidhjes Shqiptare në Botë, humanistit, patriotit të madh e veprimtarit të palodhur për çështjen shqiptare.

Nderi i Kombit, Mikel Kuzhnini me vokacionin e tij të rrallë atdhetar do të mbahet mend për kontributin e spikatur për bashkimin shpirtëror të shqiptarëve kudo ku ata jetojnë, faktorizimin dhe promovimin e vlerave tona kombëtare, dhe veçanërisht për angazhimin energjik e të pandalshëm për lirinë dhe pavarësinë e Kosovës.

Ngushëllime familjes Kuzhnini, vëllait të tij Simon, bashkëveprimtarëve, miqve e dashamirësve të tij kudo në botë.

I paharruar kujtimi i Mikel Kuzhninit!’

© SYRI.net

Lexo edhe:

Komentet

Shto koment

Denonco