Lulzim Basha gjatë konferencës së jashtëzakonshme me gazetarët mesditën e sotme, duke folur për aferat e kryeministrit me një grup “binesmenësh” klientë, ka deklaruar se në fillim të shtatorit do të bëjë kallëzim penal në Prokurorinë e Danimarkës, për arkitektin danez të të ashtuquajturit  projekt të “Teatrit të ri”, pas të cilit fshihet ndërtimi i 6 kullave në tokë publike.

“Brenda javës së parë të shtatorit prokurorisë shqiptare dhe asaj daneze do t’i depozitohet denoncimi për projektin mafioz të arkitektit danez për Teatrin kombëtar.

Kallëzim penal për arkitektin e korruptuar ne funksion te vjedhjes dhe grabitjes mafioze te Teatrit Kombëtar, Bjorken dhe koorporatën e tij. Edhe sa i përket mafiozëve kroatë të aferës së Ramës me kasat fiskale dhe një tjetër përfshirje në një skenë gjigande korrupsioni, për arkitektin Kazamonti që duket se do të marrë përsipër të njëjtën skemë korruptive te universiteti i arteve”, deklaroi Basha.