Ish ministri i Ramës vlerëson Haradinajn: Akt prej shtetari, Kosova e para për të

Ish ministri i Ramës vlerëson Haradinajn: Akt prej shtetari, Kosova e para për të

20:13, 19/07/2019
A+ Aa A-

Ish-ministri i Jashtëm, Ditmir Bushati e konsideroi dorëheqjen e Haradinjat shembull të një shtetari për të cilin Kosova vjen gjithnjë e para.

Në një postim në Facebook, Bushati tha se vendimi i tij do lartësojë luftën e shenjtë për liri të Kosovës dhe kontributin e pamohueshëm të Ramush Haradinajt.

"Akti i dorëheqjes së Ramush Haradinajt si Kryeministër i Kosovës për tu ballafaquar sërish me drejtësinë është forca e shembullit të një shtetari për të cilin Kosova vjen gjithnjë e para.

Jam i bindur që ky veprim do të lartësojë luftën e shenjtë për liri të Kosovës dhe kontributin e pamohueshëm të Ramush Haradinajt.

Ramushi ka fituar luftën e përmes forcës së shembullit po dëshmon së është artizan i paqes. Sot, Kosova ka nevojë për unitet e largpamësi për të tejkaluar sfidat e brendshme e për të fuqizuar më tej subjektivitetin juridiko ndërkombëtar që duan t’ia vënë në pikëpyetje", shkruan Bushati në reagimin e tij.

Image

© SYRI.net

Lexo edhe:

Komentet

Shto koment

Denonco