Meta takon mjekun Kalo: Propaganda dhe hetuesia, mbajtën në këmbë komunizmin

Meta takon mjekun Kalo: Propaganda dhe hetuesia, mbajtën në këmbë komunizmin

14:44, 15/07/2019

Presidenti i Republikës Ilir Meta ka pritur gjatë ditës së sotme mjekun Isuf Kalo i cili pak ditë më parë publikoi nje libër me titullin “Blloku”.

Lajmin për takimn e ka bërë publik vetë kreu i shtetit në një postim në faqen e tij në facebook.

Ja postimi i plotë i Metës:

I lumtur të takoja sot Profesor Isuf Kalon dhe ta përgëzoja për librin e tij të jashtëzakonshëm “Blloku”, një surprizë për mua në të gjitha aspektet.
Një libër i shkruar me mjaft kulturë, bazuar mbi eksperienca dhe fakte të një dëshmitari të pazakontë, i cili nuk vinte në Bllok nga Blloku, por që njihte Europën dhe botën, për shkak të studimeve dhe specializimeve të tij.

Një libër mjaft i vështirë për t’u shkruar në planin personal, për shkak të marrëdhënieve njerëzore me shumë nga personazhet që përshkruhen, si dhe një mundësi e jashtëzakonshme, jo vetëm për të kuptuar historinë tonë të 50 viteve që u dominua nga Blloku, por sidomos për të nxjerrë mësime për të ardhmen.

Një libër, që më ka detyruar të mbaj shumë shënime, por një prej tyre po e ndaj sot me ju:

“Më vonë jam ndërgjegjësuar se shtyllat kryesore ku mbështetej pushteti i atëhershëm nuk ishin, siç thuhej nëpër plenume e në kongrese, industria, bujqësia apo ushtria. Realisht shtyllat e tij ishin propaganda dhe hetuesia.
Isuf Kalo – ‘Blloku’ faqe 75”

Duke diskutuar sot me Doktorin në mënyrë miqësore për shumë detaje mbi librin e tij, e pyeta pse sipas tij këto ishin dy shtyllat e atij regjimi.
Ai m’u përgjigj shumë thjesht: “Propaganda për ata që donin apo pranonin të gënjeheshin, dhe hetuesia për të shtypur dhe shantazhuar të gjithë ata që nuk pranonin të gënjeheshin”.

Natyrisht në këtë bisedë nuk munguan dhe të falat e mia më të sinqerta për familjen Kalo, edhe për arsyen se me djalin e tij, Ilirin, kemi qenë shokë klase në gjimnazin “Sami Frashëri”, i cili është një shembull dhe sot një mjek shumë i suksesshëm në Danimarkë.

Falënderoj Doktor Isuf Kalo dhe botuesin e tij, Henri Çili për këtë botim të ri, që natyrisht do të sjellë kritika dhe vlerësime të ndryshme.

Ky libër është padyshim një kontribut i shtuar për historinë e Shqipërisë.

Image

© SYRI.net

Lexo edhe:

Komentet

Valdrin.15/07/2019 17:28

Konformizmi intelektual,jo indoktrinuar ,eshte nje nga shtyllat kryesore te mbatjes se Diktaturave.S.Berisha

Naimi15/07/2019 17:07

Cfare butaforie, Naimi president/pronar/be i UET. Nuk paguan argatet. I paftyre ky shtet qe mban ne krahe ate ftyre.

Shto koment

Denonco