‘Sulm frontal ndaj Edvin Mafiozit’/ Berisha: ‘Der Spiegel’ sot shpalli ‘Qeveria Rama është mafia’

‘Sulm frontal ndaj Edvin Mafiozit’/ Berisha: ‘Der Spiegel’ sot shpalli ‘Qeveria Rama është mafia’

22:20, 15/06/2019
A+ Aa A-

Ish-kryeministri Berisha ka përshëndetur shkrimin e sotëm të gazetës gjermane Der Spiegel me titull ‘Mafiozëve nuk do ti jepet një dorë’, të cilën e ka cilësuar si një sulm frontal dhe të jashtëzakonshëm ndaj Edi Ramës dhe qeverisë së tij të inkriminuar.

‘Kreu i Meduzes merr sot goditjen me fatale!

E famshmja gjermane Der Spiegel shpall:

‘Qeveria Rama është mafia’

Te dashur miq, ne nje sulm frontal te jashtezakonshem ndaj Edvinit dhe qeverise se tij, revista e famshme gjermane “Der Spiegel” shpall sot me gojen e kryeredaktorit te saj se:

1-“Qeveria Rama eshte mafia” dhe se

2-“mafiozeve nuk do t’u jepet dora’

3-“Negociatat në këto kushte me Kryeministër Ramën, duhet të jenë tërësisht jashtë diskutimit”

4-“Mafia e drogës dhe partia në pushtet e Ramës po bashkëpunojnë.”

4-“Gjykata Kushtetuese, Gjykata e Lartë në Shqipëri, është vendosur jofunksionale nga qeveria Rama për rreth një vit e gjysmë”

5”-Presidenti i Republikës tani ka nxjerrë një dekret sipas nenit 93 të Kushtetutës Shqiptare. Edhe ky vendim kushtetues nuk njihet nga qeveria mafioze e Ramës”.

Ketu me poshte keni artikullin fatal per Edvin Kristaq Mafiozin dhe narkoqeverine e tij! sb

Hapja e negociatave/ Edhe ‘Der Spiegel’ kundër Ramës: Mafiozëve nuk do t’i jepet një dorë

Pas një sërë artikujsh në mediat ndërkombëtare, edhe gazeta prestigjoze gjermane, “Der Spiegel” raporton mbi sjelljen alarmante të qeverisë socialiste në Shqipëri, ku përmend kryeministrin Edi Rama dhe ministrin e brendshëm Sandër Lleshaj duke dhënë edhe linqet e të përditshmes “Bild”, e cila publikoi bisedat e përgjuara që tregonin lidhjen e funksionarëve të lartë socialistë me elementë mafiozë.

Mafia e drogës dhe partia në pushtet e Ramës po bashkëpunojnë. Që nga viti 2017 janë në dispozicion dokumentet e plota të prokurorisë shqiptare, rezultatet e hetimit nuk janë publikuar, procedurat duket se kanë përfunduar.

Kryeredaktori i gazetës është pyetur se çfarë vlerësimi ka për situatën në Shqipëri, ndërkohë që ai është përgjigjur se, mafia nuk heton veten, ‘qeveria Rama është mafia’.

Nëse e gjithë kjo provohet të jetë e vërtetë, BE-ja nuk mund të flasë më me qeverinë Rama, në rast se është në të vërtetë një qeveri e mafias, e paimagjinueshme për qytetarët amerikanë, evropianë dhe të Europës Lindore.

“Që nga marrja e qeverisë nga Rama në vitin 2013, sipas vlerësimeve ndërkombëtare, trafikimi i drogës, korrupsioni dhe largimi në masë janë rritur ndjeshëm. Gjykata Kushtetuese, Gjykata e Lartë në Shqipëri, është vendosur jofunksionale nga qeveria Rama për rreth një vit e gjysmë, për këtë arsye parlamenti është gjithashtu jofunksional dhe administrata e qeverisë që përfshin edhe zyrën e prokurorisë publike, është konsideruar ndërkombëtarisht e korruptuar”, shkruan ndër të tjera media gjermane.

Sipas “Der Spiegel”, të vetmet institucione të mbetura demokratike janë presidenti dhe opozita e zgjedhur në mënyrë demokratike, drejtuar nga kryetari Lulzim Basha.

“Qeveria e mafias” tani po heton atë nën supozime të dyshimta nga zyra e prokurorit dhe kryeministri Rama me sa duket po kërcënon të burgosë udhëheqësin e opozitës. Është e çuditshme që prokuroria tani mund të ndërmarrë veprime, por kur bëhet fjalë për lidhjet mafioze me qeverinë dhe partinë qeverisëse, është joaktive. Presidenti i Republikës tani ka nxjerrë një dekret sipas nenit 93 të Kushtetutës Shqiptare. Edhe ky vendim kushtetues nuk njihet nga qeveria mafioze e Ramës”. Kryetarët e bashkive të qyteteve shqiptare kanë informuar qeverinë se do t’i binden dekretit të presidentit për mos zhvillimin e zgjedhjeve me 30 Qershor.

Pra, koha ka ardhur me siguri për Europën, nga njëra anë, për të marrë një qëndrim të qartë se, në këto kushte antidemokratike në Shqipëri dhe përkushtimit shumë të qartë të mafias, nuk do të hapen negociata për anëtarësim . Qytetarët evropianë nuk do ta pranojnë këtë, mafiozëve nuk do t’u jepet një dorë. Negociatat në këto kushte me Kryeministër Ramën, duhet të jenë tërësisht jashtë diskutimit” shkruan gazeta gjermane.

 

 

© SYRI.net

Lexo edhe:

Komentet

Shto koment

Denonco