Ushtarët e Ramës në KQZ vazhdojnë shkeljen e Kushtetutës

Ushtarët e Ramës në KQZ vazhdojnë shkeljen e Kushtetutës

11:25, 12/06/2019

Nën urdhrin e Edi Ramës, katër anëtarë të KQZ-së vazhdojnë të shkelin me dy këmbët Kushtetutën e Republikës së Shqipërisë.

Dekreti i Presidentit Ilir Meta i datës 9 qershor 2019, për anulimin e zgjedhjeve të 30 qershorit është botuar në Fletoren Zyrtare duke hyrë në fuqi, por për Denar Bibën, Bledar Skënderin, Edlira Jorgaqin dhe Rezarta Bitrin, ‘kushtetutë’ është urdhri i Edi Ramës.

Këta anëtarë të KQZ-së kanë vendosur që sot të thirrin mbledhje për të vazhduar shkeljet ligjore.

Ndërkohë, kreu i KQZ-së Klemend Zguri është shprehur në mbledhjen e datës 9 qershor 2019 se dekreti i Presidentit Ilir Meta vetëm duhet të zbatohet, pasi ky institucion nuk ka asnjë tagër për ta gjykuar apo interpretuar këtë vendim.

Më poshtë njoftimi i KQZ-së pwr mbledhjen e sotme:

Bazuar në nenin 22, pika 2, e Kodit Zgjedhor, nenin 12 të Rregullores ‘Për organizimin dhe funksionimin e Komisionit Qendror të Zgjedhjeve’,  Zv. Kryetari z. Denar Biba, Anetaret; z. Bledar Skenderi, znj. Edlira Jorgaqi dhe znj. Rezarta Bitri kane kerkuar thirrjen e mbledhjes,

Sot, me 12.06.2019, Ora 13:00, me rend dite:

1. ‘Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të dates 30 qershor 2019’.

2. ‘Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të dates 30 qershor 2019’.

3. ‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të dates 30 qershor 2019’.

4. ‘Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të dates 30 qershor 2019’.

5. ‘Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të dates 30 qershor 2019’.

© SYRI.net

Lexo edhe:

Komentet

Shto koment

Denonco