Ambasadori i Britanisë së Madhe në Tiranë, Duncan Norman i cili kohët e fundit është shfaqur mjaft aktiv për të gjetur një zgjidhje për krizën e rëndë politike në vend, ka zhvilluar këtë të martë një takim me presidentin, Ilir Meta.

Takimi është zhvilluar në Presidencë, ndërkohë që mësohet se në qendër të bisedës ka qenë situata politike në vend, por nuk janë dhënë detaje.

Edhe pak ditë më parë, ambasadori britanik zhvilloi edhe një takim edhe me kreun e opozitës, Lulzim Basha, para se ky i fundit të udhëtonte drejt Londrës.