'Investigimi i Bild nuk ka mbaruar, do të publikohen fakte të reja'! Rama në tension...

'Investigimi i Bild nuk ka mbaruar, do të publikohen fakte të reja'! Rama në tension...

22:01, 16/05/2019
A+ Aa A-

Pas ish-ministrit të Drejtësisë Ylli Manjani, edhe gazetari investigativ Basir Çollaku i është përgjigjur deklaratave të kryeministrit Edi Rama, i cili i akuzoi si autorë të artikullit në gazetën gjermane “Bild”.

Sipas Çollakut, investigimi i Bild nuk ka mbaruar dhe së shpejti do të publikohen të dhëna të reja.

Çollaku në një sms dërguar moderatorit të emisionit “Opinion” Blendi Fevziu, paralajmëroi kryeministrin Edi Rama se duhet të fillojë të shqetësohet pasi prestigjozja gjermane shumë shpejt do të publikojë fakte tronditëse.

Nga ana tjetër, kreu i qeverisë u kundërpërgjigj duke e kërcënuar me gjyq.

“Atij të parit i them që të vijë të mi faktojë dhe të përballemi në Gjykatë se nuk ia mbaj mend as emrin”, tha Rama.

“Nuk kam me Bild-in asnjë gjë, këtë e ka shkruar Ylli Manjani dhe Collaku, janë këta të ty që janë furnizuesit dhe autorët e këtij teksti. Ka bërë një publikim bazuar në këto burime, shqiptarët e dimë mirë se çfarë përfaqësojnë këto burime, gazetari i BILD ka marrë këto burime të shquara dhe unë nuk kam çfarë t’i them”, do të shprehej Rama në ‘Opinion’.

 

 

© SYRI.net

Lexo edhe:

Komentet

Koli 19/05/2019 10:08

Po z.Rama , shqiptaret e dine mire se me sa serizitet profesional punon nje gazete si BILD. Reagimi juaj per ta trajtuar artikullin si shkrim te Basir Collakut apio Ylli Manjanit eshte mbulim i te vertetes. Shteti yne, shteti qe premtuat se do ndertoni vertet dominohet nga arrogantet dhe rrugacet.Shikoni vendimet e gjykatave per te larguarit nga puna te cilat ne mase kane rrezuar vendimet e zyrtareve te ketij shteti, sa i perket gangstereve shikoni heshtjen dhe dosjet e pahetuara te prokurorise, shikoni listen e kandidateve te Bashkive ku gjenden jo nje e dy po nje dyzine rrugaçesh me shkolle e pa shkolle, me eksperience vetem nga punet e pista .Kjo eshte edhe arsyeja qe shkrimi i BILD ngjit, kjo duhet t'ju shqetesoje dhe t'ju bej te reagoni si shtetar .Me rrugaç? e injorantë me dhe pa diploma mund te garantohet pushteti por nuk mund te ndertohet shteti.

Shto koment

Denonco