Gazetari Basri Çollaku, i ftuar në Syri.net ka folur edhe për shkrimin e gazetës së mirënjohur gjermane “Bild’ e cila publikoi përgjimin e kapur midis kryeministrit Rama dhe shefit të shtabit elektoral të PS-së në Dibër, ku e pyeste këtë të fundit nëse kishin kishin shkuar si duhej porositë e lënë, që nënkuptonte manipulimin e zgjedhjeve.
Ky shkrim i gjermanes ‘Bild’ solli edhe sulmin e qeverisë Rama që me anë të deputeteve të tij, doli dhe tha në media se shkrimi ishte i blerë.
“As në ëndrra nuk e blen dot ‘Bildin’.
Kush e bleu ‘Bildin’, Opozita, unë, Manjani apo të tjerë.
Nëse do kishim kaq shumë para apo miliona euro, do kishim bërë një media në vete.
Do i kisha blerë unë ‘Dosjen 184, ‘339’.
Dosjet janë aty por këta nuk mund ti zhdukin sepse janë gjurmët aty.
Kallëzimin e bëra edhe unë e bëri edhe Balla. Po për Ballën u bë seancë për katër ditë kurse unë një seancë në 8 muaj.
Ndërkohë që unë i kërkoj Gjykatës vetëm të shprehet me vendim. Këta nuk dinë se ku ndodhet 8 muaj deputeti.
Edhe po se bëri politika Vettingun, do e bëjmë ne.
Këtu buron edhe guximi i palës që thotë se ‘Bild’ kanë marrë para.’
Lidhur me akuzat e ngritura nga Kryetari i Partisë Demokratike Lulzim Basha ndaj deputetes socialiste, Elisa Spiropali si të implikuar në dosjen “Xibraka’ të laboratorit të drogës, Çollaku tha se:
“Kryetari i Partisë Demokratike ka informacionet e tij. Unë them se ai ka të drejtë për informacionet e tij.
Në këtë dosje sic thotë edhe Bild ka një telefonatë të kryeministrit
Më 11 shtator kur mbyllen zgjedhjet, Rama telefonon dhe pyet shefin e shtabit elektoral të Dibrës “si shkuan punët.”
Pala tjetër thotë “Po u realizuan të gjitha objektivat”
Tani këtë kryeministrin duhet ta thërrasë në Prokurori dhe ta pyesë: Kush ishin detyrat? Kush ishin porositë?
Se me këtë porosi është bërë batërdia me votat.
Janë aty njerëzit në përgjime që thonë ‘po janë paguar’.
Ke emrat e Gjiknurit , Sadri Abazajt...
Drejtorë policie, doganash, hipoteke, ALUIZNI, janë pjesë e kësaj dosje.
Janë përgjuar me kë kanë folur, kë kanë paguar, kë kanë kërcënuar, janë në dosje.
Dhe prandaj dolën 4200 me vota më tepër.
U habitën edhe këta që shumë keni marrë.
Dhe kjo histori kur na vjen nga Berlini, Londra, lideri global na çuditet, se tani nuk është më as global se nuk e pret kush”, tha Çollaku.
© SYRI.net