Ish-kryeministri Sali Berisha, e ka cilësuar si të shfazuar kryeministrin Rama, pas sulmit që ky i fundit i bëri gazetës gjermane ‘Bild’, e cila publikoi një përgjim ku Rama kapet duke manipuluar zgjedhjet lokale në Dibër, që tashmë është në dosjen ‘184’

Në një postim të tij të fundit në fb, Berisha, duke publikuar edhe reagimin e artikullshkruesit gjerman, shkruan

‘Edvini rende ne krize te thelle psiqike!

Miq, Edvini sfazohet fare pas publikimit nga gazeta gjermane Bild te bisedes se tij telefonike te marre nga dosja 184 me trafikantin e votave.

Ai sulmoi sot si paranojak me zedhenesen tij gazeten Bild per publikimin e transkriptit pervelues te bisedes se tij tekefonike te dosjes 184 me trafikanin e votave, qe fakton akuzat e bera me dhjetra here nga gazetaret dhe opozita per implikimin direkt te tij ne manipulimin e zgjedhjeve si dhe per paraqitjen e narkoshtetit te tij si shteti i mafjes.

Ky sulm i tij, i stilit te eterve te tij mizor xhelat te fjales se lire eshte hedhur poshte me perçmim si çmenduri nga gazetari kryesor i politikes gazetes Bild, Peter Tiede.

Lexoni me poshte per reagimin e plote te Peter Tiede dhene Edvinit dhe gangstereve te Narkoshtetit te tij . sb

Ekskluzive/ Reporteri i “Bild” i përgjigjet Gjylametit: Mund të ketë tymosur gjëra të gabuara, deklarata e saj çmenduri

15 Maj, 2019 20:31

Deputetja e Partisë Socialiste, Blerina Gjylameti, doli sot në një deklaratë për shtyp nga selia e partisë, duke hedhur akuza të rënda në drejtim të opozitës, se ka paguar para, për artikuj në media të huaja. Konkretisht, Gjylameti i referohej një artikulli të Bild, shkruar nga reporteri kryesor i politikës, Peter Tiede.

Gjylameti tha ndër të tjera se “Ata që paguajnë para për të nxirë imazhin e Shqipërisë në botë, për të goditur ekonominë dhe turizmin, sot dalin dhe rrahin gjoksin krenarë për zullumet që i bëjnë Shqipërisë. Është e vërtetë, artikuj si ai i djeshmi në gazetën gjermane, i bëjnë dëm imazhit të vendit jashtë“.

Autori i shkrimit, Peter Tiede, i kontaktuar nga TPZ.al, u shpreh se deklarata e Gjylametit mbështetet në teori konspirative dhe sulme personale dhe se aludimi se ai ka marrë para është thjesht një çmenduri.

“Ajo sigurisht bën të njëjtin gabim që bëjnë ‘politikanë’ të tillë: ata vendosin vetë që të tjerët e kanë gabim. Shpresoj, për të mirën e saj, që ky të mos jetë rasti dhe që thjesht të ketë tymosur gjëra të gabuara, siç themi ne në Gjermani. Ka shumë nga këto “gjëra të gabuara”. Më vjen keq që zonjës i janë shteruar argumentat që në fjalinë e parë – dhe se i duhet të mbështetet në teori konsipirative dhe sulme personale. Aludimi se unë kam pranuar para, është thjesht një çmenduri”, u shpreh Peter Tiede.

Në shkrimin e prestigjiozes gjermane, thuhej se Shqipëria është shembulli kryesor, i një vendi kaotik në duar gangsterësh. Në shkrim gjithashtu përmendej edhe një bisedë e kryeministrit Rama, në dosjen 184.TPZ/Al’