Deputeti kosovar i përvishet Ramës: ‘Ke kohë që je rreshtuar në anën e gabuar’

Deputeti kosovar i përvishet Ramës: ‘Ke kohë që je rreshtuar në anën e gabuar’

22:28, 01/05/2019

Deputeti i AAK-së. Muharrem Nitaj, ka kritikuar ashpër, deklarimin e Kryeministrit Rama, i cili në një status të fundit në facebook mohonte që ti kishte kërkuar në Berlin, kryeministrit kosovar  Haradinaj, që të hiqte taksën për mallrat serbë.

“Nuk i jap të drejtë vetes për të komentuar se çfarë ka ndodhur në Berlin, por loja me fjalë e Edi Ramës për mohimin se ai nuk i paska kërkuar Ramush Haradinajt heqjen e taksës, por ia paska sugjeruar në dy raste pezullimin e saj, është neveritëse dhe nën dinjitetin e një kryeministri. Aq më tepër kur në katrahurën gjuhësore të tij, i përvijohet edhe fjala gënjeshtër, ani se në të njëjtin shkrim të tij, edhe vet e pranon se në dy raste i paska sugjeruar Haradinajt ta pranojë kërkesën për pezullimin e taksës! Pse si e paska konceptuar Edi Rama sugjerimin për pezullimin e taksës!? Mbështetje jo se jo!! Ndërkaq sugjerimi, për ne në Kosovë, nuk është hiç më pak se kërkese!” shkruan deputeti Nitaj.

Nitaj ka thënë më tej se “Edi Ramës nuk ia heq dot kush të drejtën të flasë për Kosovën, por kjo nuk do të thotë se ai mund ta eklipsojë dështimin e politikës së tij, duke vjellë vner ndaj vendimi sovran të Qeverisë e të Kryeministrit të Kosovës”.

“Nëse Edi Rama do që vërtetë të flasë e ta ndihmojë Kosovën, duhet të mos marrë anë, jo vetëm në relacionin ndërmjet Kosovës e Serbisë, por as brendapërbrenda Kosovës, siç ne nuk po marrim anë në përplasjen e madhe politike në Tiranë!”, ka thënë më tej Nitaj.

‘Gojët e këqija’ po flasin se Edi Rama, jo vetëm se ka marrë anë, por ka kohë që është në anën e gabuar!”.

 

© SYRI.net

Lexo edhe:

Komentet

Askushi 01/05/2019 23:29

Akoma nuk e keni njohur Ramen ju shqiptare te kosoves? Rama eshte nje gangester ordiner qe kanabizoj gjithe vendin, qe e mbushi parlamutin me halabak e hajdut ordiner, qe e coj politiken tone ne piken me te fundit, qe e coje vendin ne varferi. Ky gangester do qe te marri merita dhe per kosoven. Thote se ka te drejte te flasi, ai munde te flasi e te shprehet, por ska asnje drejte qe te japi mendime me te huajt, as te thuri intriga e te punoje pas shpine, pasi ato do te quhen veprime anti shqiptare. Kosova duhet ta shpalli non grata Ramen.

Shto koment

Denonco